ആപ്പിൾ പൈ, ക്രിസ്മസ് സ്പെഷൽ രുചിക്കൂട്ട്
Mail This Article
നല്ല എളുപ്പത്തിൽ ഒരടിപൊളി ആപ്പിൾ പൈ തയാറാക്കാം.
ചേരുവകൾ :
- ക്രസ്റ്റ് ഉണ്ടാക്കാൻ
- പഞ്ചസാര പൊടി - 3 ടേബിൾസ്പൂൺ
- തണുത്ത വെള്ളം - 2 മുതൽ 3 ടീസ്പൂൺ
- ഉപ്പ് - 1/2 ടീസ്പൂൺ
- ഉപ്പിലാത്ത തണുത്ത ബട്ടർ - 1 കപ്പ്
- മൈദ - 1 കപ്പ്
ഫില്ലിങ് തയാറാക്കാൻ
- കറുവാപ്പൊടി - 1/2 ടീസ്പൂൺ
- ഉപ്പില്ലാത്ത ബട്ടർ - 2 ടീസ്പൂൺ
- പഞ്ചസാര - 2 ടേബിൾസ്പൂൺ
- ആപ്പിൾ ചെറുതായി അരിഞ്ഞത് - 2 ചെറുത്
അലങ്കാരത്തിനായി :
- നാരങ്ങാ നീര് - 1 ടീസ്പൂൺ
- ആപ്പിൾ സ്ലൈസ് ചെയ്തത് - 5
- കറുവാപ്പൊടി - 1 ടീസ്പൂൺ
- പഞ്ചസാര - 2 ടീസ്പൂൺ
തയാറാക്കുന്ന വിധം
• ഒരു ബൗളിൽ മൈദയും പഞ്ചസാര പൊടിയും ഉപ്പും കൂടി അരിച്ച് നന്നായി യോജിപ്പിക്കുക. ഇതിൽ ബട്ടർ ചേർത്ത് നന്നായി കൈ കൊണ്ട് കുഴച്ചെടുക്കുക. പിന്നെ വെള്ളവും ചേർത്ത് നല്ല സോഫ്റ്റ് മാവ് ഉണ്ടാക്കി എടുക്കുക. ഈ മാവ് ഒരു ക്ലിങ് ഫിലിമിൽ പൊതിഞ്ഞു 30 മിനിറ്റ് മുതൽ 1 മണിക്കൂർ വരെ ഫ്രിഡ്ജിൽ വെച്ച് തണുപ്പിക്കുക.
മാവ് തണുപ്പിക്കുന്ന സമയത്ത് ഇവ ചെയ്യാവുന്നതാണ് :
• ഫില്ലിങിനായി, ഒരു പാനിൽ ബട്ടർ ഇട്ട ശേഷം ആപ്പിളും പഞ്ചസാരയും കറുവാപ്പൊടിയും ചേർത്ത് 3 - 4 മിനിറ്റ് ഇളക്കി ചെറുതായി ഉടച്ച് മാറ്റി വയ്ക്കുക.
• അലങ്കാരത്തിനായി, ഒരു ബൗളിൽ സ്ലൈസ് ചെയ്ത ആപ്പിളും നാരങ്ങ നീരും കരുവാപൊടിയും പഞ്ചസാരയും ചേർത്ത് ഇളക്കുക. ഇത് 4 - 5 മിനിറ്റ് മൈക്രോവേവിൽ വെച്ച് ചെറു ചൂട് ആക്കിഎടുക്കുക.
• 7 ഇഞ്ച് പൈ ഉണ്ടാക്കുന്ന പാൻ എടുക്കുക. ഇതിൽ തയാറാക്കി വച്ചിരിക്കുന്ന മാവ് ഫ്രിഡ്ജിൽ നിന്നും എടുത്ത് നന്നായി പരത്തി വച്ച് കൊടുക്കുക. ഒരു ഫോർക് കൊണ്ട് അകത്ത് കുത്തി കൊടുക്കുക.
• ഇതിലോട്ട് തയാറാക്കിയ ഫില്ലിങ് നിറയ്ക്കുക. പിന്നീട് മൈക്രോവേവിൽ വേവിച്ച ആപ്പിൾ കൊണ്ട് അലങ്കരിക്കുക.
• മുകളിലായി ബട്ടർ തടവിയ ശേഷം കുറച്ച് പഞ്ചസാരയും വിതറി കൊടുക്കുക.
• പ്രീ ഹീറ്റ് ചെയ്ത അവ്നിൽ 25 മുതൽ 30 മിനിറ്റ് വരെ 150 ഡിഗ്രിയിൽ ബേക്ക് ചെയ്ത് എടുക്കുക.
• മുകളിലായി ഏപ്രിക്കോട് ജാം തടവി കൊടുക്കാവുന്നതാണ്.
• ആപ്പിൾ പൈ അങ്ങനെ തന്നെയോ അല്ലെങ്കിൽ ഐസ്ക്രീമിന്റെ കൂടെയോ കഴിക്കാവുന്നതാണ്.