ബീഫ് ഇനി ഇങ്ങനെയൊന്നു ഉണ്ടാക്കി നോക്കൂ...

അടിപൊളി ടേസ്റ്റിലൊരു ബീഫ് ഇതാ .ഇനി പാത്രം കാലിയാകുന്ന വഴിയറിയില്ല ...

ചേരുവകൾ 

• ബീഫ് - അരക്കിലോ 
• കാശ്മീരി മുളക്പൊടി - ഒന്നര ടേബിൾസ്പൂൺ
• മഞ്ഞൾപ്പൊടി - അരടീസ്പൂൺ 
• കടുക് - 1 ടീസ്പൂൺ 
• വലിയ ജീരകം - 1 ടീസ്പൂൺ 
• ചെറിയ ജീരകം - അരടീസ്പൂൺ
• കുരുമുളക് - 1 ടീസ്പൂൺ 
• ഉലുവ- കാൽടീസ്പൂൺ
• ഏലക്കായ - 1 
• ഗ്രാമ്പു - 2 
• പട്ട - ചെറിയ കഷ്ണം
• ഇഞ്ചി - ഒരു കഷ്ണം
• വെളുത്തുള്ളി - 4 അല്ലി 
• പച്ചമുളക് - 1 
• വിനാഗരി - 1 ടേബിൾസ്പൂൺ
• സവാള - 1 
• തക്കാളി - 1 
• കറിവേപ്പില 
• മല്ലിയില 
• ഉപ്പ് 
• വെളിച്ചെണ്ണ 

തയാറാക്കുന്ന വിധം

ആദ്യം സ്‌പൈസസ് എല്ലാം പൊടിച്ചെടുക്കുക. ഇതിലേക്കു ഇഞ്ചി, വെളുത്തുള്ളി, മുളകുപൊടി, മഞ്ഞൾപ്പൊടി, പച്ചമുളക്, വിനാഗിരി എന്നിവ ആവശ്യത്തിന് വെള്ളം ചേർത്ത് അരച്ചെടുക്കുക . ബീഫിലേക്ക് അരച്ച മസാല ചേർത്ത് അര മണിക്കൂർ മാരിനേറ്റ് ചെയ്യുക.

കുക്കറിൽ വെളിച്ചെണ്ണ ഒഴിച്ച് ചൂടാകുമ്പോൾ സവാള തക്കാളി കറിവേപ്പില ചേർത്ത് വഴറ്റുക . ഇതിലേക്കു മാരിനേറ്റ് ചെയ്ത ബീഫ് ചേർത്ത് ആവശ്യത്തിന് ഉപ്പ് ചേർത്ത് 5 വിസിൽ വരുന്നത് വരെ വേവിക്കുക .ആവി പോയാൽ കുക്കർ തുറന്നു ഗ്രേവി ഒന്ന് വറ്റിച്ചെടുത്തു മല്ലിയില ചേർത്ത് ചൂടോടെ വിളമ്പാം.

English Summary : Beef Recipe for Christmas Royal Brunch