കോഴിമുട്ടയെക്കാൾ രുചിയാണ് കാടമുട്ട റോസ്റ്റിന്

HIGHLIGHTS
  • കോഴിമുട്ടയെക്കാൾ രുചിയാണ് കാടമുട്ട റോസ്റ്റിന്.
kada-mutta
SHARE

കാടമുട്ട വച്ച് രുചികരമായ മുട്ട റോസ്റ്റ് തയാറാക്കാം. കോഴിമുട്ടയെക്കാൾ രുചിയാണ് കാടമുട്ട റോസ്റ്റിന്.

ചേരുവകൾ

  • കാടമുട്ട - 20 എണ്ണം
  • സവാള -അരക്കിലോ
  • ഇഞ്ചി ചെറുതായി അരിഞ്ഞത്- ഒരു ടേബിൾസ്പൂൺ
  • വെളുത്തുള്ളി ചെറുതായി അരിഞ്ഞത് - ഒരു ടേബിൾ സ്പൂൺ
  • പച്ചമുളക് - നാലെണ്ണം
  • മഞ്ഞൾപ്പൊടി - അര ടീസ്പൂൺ
  • മുളകുപൊടി -രണ്ട് ടീസ്പൂൺ
  • മല്ലിപ്പൊടി -രണ്ട് ടീസ്പൂൺ
  • തക്കാളി -ഒന്ന്
  • കറിവേപ്പില
  • വെളിച്ചെണ്ണ - 4 ടേബിൾ സ്പൂൺ
  • പെരുംജീരകം - ഒരു ടീസ്പൂൺ
  • കുരുമുളക് - ഒരു ടീസ്പൂൺ
  • ഉപ്പ് - ആവശ്യത്തിന്

തയാറാക്കുന്ന വിധം

  • കാട മുട്ട പുഴുങ്ങി വയ്ക്കുക.
  • ചുവടു കട്ടിയുള്ള ഒരു പാത്രത്തിൽ വെളിച്ചെണ്ണ ചൂടാക്കി നീളത്തിൽ അരിഞ്ഞ സവാളയിൽ ഒരു ടീസ്പൂൺ ഉപ്പ്  ചേർത്ത് വഴറ്റി എടുക്കുക. 
  • ഇതിലേക്ക് ചെറുതായി അരിഞ്ഞ ഇഞ്ചിയും വെളുത്തുള്ളിയും നീളത്തിൽ അരിഞ്ഞ പച്ചമുളകും കറിവേപ്പിലയും ചേർക്കുക.
  • സവാള നന്നായി മൂത്ത് എണ്ണ തെളിഞ്ഞു തുടങ്ങുമ്പോൾ മഞ്ഞൾപ്പൊടി, മുളകുപൊടി, മല്ലിപ്പൊടി , പെരുംജീരകം ചതച്ചത്, കുരുമുളക് ചതച്ചത് ഇവ ചേർക്കുക. 
  • പൊടികളുടെ പച്ചമണം മാറുമ്പോൾ ഒരു തക്കാളി മിക്സിയിൽ അരച്ചത് ചേർത്ത് കൊടുക്കാം. തക്കാളിയിലെ വെള്ളം വറ്റി നന്നായി യോജിച്ച് എണ്ണ തെളിയുമ്പോൾ പുഴുങ്ങി വച്ച മുട്ട ചേർക്കാം. 
  • അല്പനേരം കൂടി വഴറ്റി മുട്ടയിൽ മസാല നന്നായി പിടിച്ചിരിക്കുമ്പോൾ തീ ഓഫ് ചെയ്യാം.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA