പാൽ പുഡ്ഡിങ്, നാവിലിട്ടാൽ അലിഞ്ഞുപോകും...

വളരെ എളുപ്പത്തിൽ തയാറാക്കാൻ പറ്റുന്ന ടേസ്റ്റി ആയിട്ടുള്ള ഒരു മിൽക്ക് ആൻഡ് കാരമേൽ പുഡ്ഡിങ്.

മിൽക്ക് ലെയർ തയാറാക്കാൻ

•  ബട്ടർ                                 - 3 ടേബിൾസ്പൂൺ 
• മൈദ                                - 1 / 4  കപ്പ് + 1 ടേബിൾസ്പൂൺ 
• പഞ്ചസാര                      - 4 ടേബിൾസ്പൂൺ 
• പാൽ                                  - 2 കപ്പ് 
• വാനില എസൻസ്‌ - 1  ടീസ്പൂൺ 

കാരമൽ ലെയർ തയാറാക്കാൻ

• പഞ്ചസാര                     - 1/ 2  കപ്പ് 
• വെള്ളം                           - 1 കപ്പ് 
• കോൺഫ്ലോർ            - 1 ടേബിൾസ്പൂൺ 

കാരമൽ തയാറാക്കുന്ന വിധം :

ഒരു കപ്പ് വെള്ളത്തിൽ ഒരു ടേബിൾസ്പൂൺ കോൺഫ്ലോർ  കലക്കി വയ്ക്കുക. 

ഒരു ഫ്രൈയിങ് പാൻ ചൂടാക്കി അതിലേക്ക് പഞ്ചസാരയും 2 ടേബിൾസ്പൂൺ വെള്ളവും ഒഴിച്ച് ചൂടാക്കുക . പഞ്ചസാര കാരമലൈസ് ആകാൻ തുടങ്ങുമ്പോൾ (കളർ മാറി ബ്രൗൺ നിറം ആകാൻ തുടങ്ങുമ്പോൾ ) നന്നായിട്ട് ഇളക്കി കൊടുക്കുക. 

പഞ്ചസാര നല്ല ബ്രൗൺ നിറത്തിലാകുമ്പോൾ ആദ്യം കലക്കി വച്ച കോൺഫ്ലോർ മിക്സ് നന്നായി യോജിപ്പിച്ച് ഒഴിച്ച് കൊടുക്കുക. ഇത് തിളപ്പിച്ചതിനു ശേഷം ഒരു മീഡിയം തീയിൽ  5 മിനിറ്റോളം ഇളക്കി കൊടുക്കുക. അതിനു ശേഷം സ്റ്റൗ ഓഫ് ചെയ്ത് മാറ്റി വയ്ക്കുക 

മിൽക്ക് ലെയർ തയാറാക്കുന്ന വിധം :

• ഒരു പാൻ ചൂടാക്കി അതിലേക്ക് ബട്ടർ ഇട്ട് ഉരുക്കി എടുക്കുക. ഇതിലേക്ക് മൈദ ചേർത്ത് നന്നായി ഇളക്കി കൊടുക്കുക .
• മൈദ നന്നായി ചൂടായി അതിന്റെ പച്ചമണം മാറി റോസ്റ്റ് ആയി വരുമ്പോൾ അതിലേക്ക് പാൽ ഒഴിച്ച് നന്നായി ഇളക്കി കൊടുക്കുക . 
• അതിനു ശേഷം ഒരു ടീസ്പൂൺ വാനില എസൻസ് ചേർത്ത് കൊടുക്കുക. പാൽ നന്നായി കുറുകി വരുന്നത് വരെ നന്നായി ഇളക്കികൊണ്ടേയിരിക്കുക . 
• ഇനി സ്റ്റൗ ഓഫ് ചെയ്ത് ഈ മിക്സ് സെറ്റ് ചെയ്യാൻ തയാറാക്കി വച്ചിരിക്കുന്ന പാത്രത്തിലേക്ക് മാറ്റുക.  ഇതിന്റെ മുകളിലേക്ക് ആദ്യം തയാറാക്കി വച്ചിരിക്കുന്ന കാരമൽ ലെയർ ഒഴിച്ച് കൊടുക്കുക. 
  
• ഇത് ചൂടാറിയതിനു  ശേഷം ഫ്രിഡ്ജിൽ വച്ച് 4 മണിക്കൂറെങ്കിലും തണുപ്പിച്ചതിനു ശേഷം ഉപയോഗിക്കാം.