വളരെ എളുപ്പത്തിൽ ഒരു ഫ്രൈഡ് റൈസ് ആർക്കും ഇഷ്ടപ്പെടും

vegetable-fried-rice
SHARE

ഫ്രൈഡ് റൈസ് വളരെ എളുപ്പത്തിൽ തയാറാക്കുന്നത് എങ്ങനെയെന്നു നോക്കാം.

ചേരുവകൾ

1. ബസ്മതി അരി – 1 കപ്പ്
2. സൺഫ്ലവർ ഓയിൽ – 3 ടേബിൾ സ്പൂൺ
3. വെള്ളം – 4 കപ്പ്
4. നാരങ്ങാനീര് – 1 ടേബിൾ സ്പൂൺ
5. വെളുത്തുള്ളി അരിഞ്ഞത് – 1 ടേബിൾ സ്പൂൺ
6. ബീൻസ് അരിഞ്ഞത് – 1/4 കപ്പ്
7. കാരറ്റ് അരിഞ്ഞത് – 1/4 കപ്പ്
8. കാബേജ് അരിഞ്ഞത് – 1/4 കപ്പ്
9. കാപ്സിക്കം അരിഞ്ഞത് – 1/4 കപ്പ്
10. ഉള്ളിത്തണ്ട് അരിഞ്ഞത് – 1/4 കപ്പ്
11. സോയ സോസ് – 1 ടേബിൾ സ്പൂൺ
12. പഞ്ചസാര – 1/2 ടീസ്പൂൺ
13. ഉപ്പ് – ആവശ്യത്തിന്

തയാറാക്കുന്ന വിധം

ഒരു കപ്പ് ബസ്മതി അരി നന്നായി കഴുകിയതിനു ശേഷം അര മണിക്കൂർ വെള്ളത്തിൽ കുതിർക്കാനായി മാറ്റിവയ്ക്കുക. 

ശേഷം ഒരു പാത്രത്തിലേക്ക് 4 കപ്പ് വെള്ളം ഒഴിച്ച് ചൂടാക്കുക. വെള്ളം തിളച്ചു വരുമ്പോൾ  ആവശ്യത്തിന് ഉപ്പ് ചേർത്ത് ഇളക്കിയതിനു ശേഷം അതിലേക്ക് കുതിർക്കാനായി മാറ്റി വച്ചിട്ടുള്ള അരി ചേർക്കുക. തിളക്കുന്നതു വരെ തീ കൂട്ടി വയ്ക്കുക. തിള വന്നതിനു ശേഷം തീ കുറച്ച്  4 മിനിറ്റ് മൂടി വച്ച് വേവിക്കുക. അതിനു ശേഷം തീ ഓഫാക്കി വെള്ളം ഊറ്റിക്കളയുക. ശേഷം അരി പാത്രത്തിലായി നിരത്തി വച്ച് നന്നായി തണുക്കാൻ അനുവദിക്കുക.

അതിനു ശേഷം ചുവട് കട്ടിയുള്ള ഒരു പാത്രം ചൂടാക്കുക. തീ നന്നായി കൂട്ടി വച്ചതിനു ശേഷം ഇതിലേക്ക് 2 ടേബിൾ സ്പൂൺ സൺഫ്ലവർ ഓയിൽ ചേർത്ത് കൊടുക്കുക. ഓയിൽ ചൂടാവുമ്പേൾ അതിലേക്ക് ഒരു ടേബിൾ സ്പൂൺ വെളുത്തുള്ളി ചെറുതായി അരിഞ്ഞത് ചേർത്ത് കുറച്ച് സമയം ഇളക്കി കൊടുക്കുക. എന്നിട്ട് ഇതിലേക്ക് കാൽ കപ്പ് ഗ്രീൻപീസ് അരിഞ്ഞത്, കാൽ കപ്പ് കാരറ്റ് അരിഞ്ഞത്, കാൽ കപ്പ് കാബേജ് അരിഞ്ഞത്, കാൽ കപ്പ് കാപ്സിക്കം അരിഞ്ഞത്. കാൽ കപ്പ് ഉള്ളിത്തണ്ടിന്റെ വെളുത്ത ഭാഗം അരിഞ്ഞത് ഇതിലേക്ക് ആവശ്യത്തിനുള്ള ഉപ്പ് കൂടെ ചേർത്ത് ഒരു മിനിറ്റ് തീ കൂട്ടി വച്ച് ഇളക്കുക. 

ഒരു ടേബിൾ സ്പൂൺ സോയ സോസും അര ടീസ്പൂൺ പഞ്ചസാരയും ഇതിലേക്ക് ചേർത്ത് ചെറുതായി ഇളക്കിയതിനു ശേഷം ചൂടാറിയ അരി കൂടെ ചേർത്ത് അരി പൊടിയാത്ത രീതിയിൽ നന്നായി യോജിപ്പിച്ചെടുക്കുക. കാൽ കപ്പ് സ്പ്രിങ്ങ് ഒനിയൻ ചെറുതാക്കി അരിഞ്ഞതും കൂടെ ചേർത്ത് ഇളക്കി തീ ഓഫാക്കുക.

English Summary : Vegetable Fried Rice

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA