രുചികരമായ ദോശമാവ് വടയും തേങ്ങാ ചമ്മന്തിയും
Mail This Article
×
അധികമുള്ള ദോശമാവുകൊണ്ട് നല്ല മൊരിഞ്ഞ വട തയാറാക്കാം. ഒരു സൂപ്പർ നാലുമണി പലഹാരം. പുനുഗുലു എന്നും ഇതിന് പേരുണ്ട്. ഇത് പ്രഭാതഭക്ഷണം ആയും കഴിക്കാവുന്നതാണ്. അല്പം തേങ്ങ ചമ്മന്തി കൂടിയുണ്ടെങ്കിൽ രുചി ഏറെയാണ്.
ചേരുവകൾ
- ദോശമാവ് – 1 കപ്പ്
- റവ - കാൽ കപ്പ്
- സവാള ചെറുതായി അരിഞ്ഞത് - ഒന്ന്
- പച്ചമുളക് - 2
- ഇഞ്ചി - ഒരിഞ്ചു കഷ്ണം
- കറിവേപ്പില - ഒരു കതിർപ്പ്
- ഉപ്പ് - ആവശ്യത്തിന്
- എണ്ണ - വറുക്കാൻ ആവശ്യത്തിന്
തയാറാക്കുന്ന വിധം
- ദോശ മാവിൽ റവ ചേർത്ത് യോജിപ്പിച്ച് 10 മിനിറ്റ് മാറ്റി വയ്ക്കണം.
- ഇതിലേക്ക് ചെറുതായി അരിഞ്ഞ സവാള, പച്ചമുളക്, ഇഞ്ചി, കറിവേപ്പില, ആവശ്യത്തിന് ഉപ്പ് എന്നിവ ചേർത്ത് നന്നായി ഇളക്കി 10 മിനിറ്റ് കൂടി വയ്ക്കുക. മാവ് ഒരുപാട് ലൂസായി തോന്നുകയാണെങ്കിൽ റവ അല്പം കൂടി ചേർത്ത് കൊടുക്കാം.
- ഒരു പാനിൽ എണ്ണ ചൂടാക്കി ഓരോ ടേബിൾസ്പൂൺ വീതം മാവ് കോരിയൊഴിച്ച് ഗോൾഡൻ ബ്രൗൺ നിറത്തിൽ വറുത്തു കോരണം.
- രുചികരമായ ദോശമാവ് വട തയാർ.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
