ADVERTISEMENT

മാങ്ങാ അച്ചാർ ഇതു പോലെ ഉണ്ടാക്കി നോക്കു.. ഏറെ നാൾ കേടുകൂടാതെ ഇരിക്കും.

ചേരുവകൾ 

1 .പച്ച മാങ്ങ-650 ഗ്രാം
2. കാശ്മീരി മുളക് പൊടി -2 ടേബിൾ സ്പൂൺ അല്ലെങ്കിൽ സാധാരണ മുളകുപൊടി - 1 1/2 ടേബിൾ സ്പൂൺ
3.ഉലുവ വറത്തു പൊടിച്ചത് - 3/4 ടീസ്പൂൺ
4.കായം പൊടിച്ചത് - 1/2 ടീസ്പൂൺ
5.കടുക് പൊടിച്ചത് (പച്ച കടുക് മിക്സിയിൽ ഇട്ടു പൊടിച്ചത് ) - 2 1/2 ടേബിൾ സ്പൂൺ
6.വെളുത്തുള്ളി - 5 തൊട്ടു 6 അല്ലി (നിർബന്ധമില്ല )
7.നല്ലെണ്ണ - 50 മില്ലി
8.ഉപ്പ് - ആവശ്യത്തിന്

തയാറാക്കുന്ന വിധം 

  • മാങ്ങാ നന്നായി കഴുകി തുടച്ച ശേഷം കഷ്ണങ്ങൾ ആക്കി മുറിച്ചെടുക്കുക. തീരെ ചെറിയ കഷ്ണങ്ങൾ ആക്കരുത്.
  • അതിനുശേഷം ഒരു പാനിൽ ഒരു ടീസ്പൂൺ നല്ലെണ്ണ ചൂടാക്കി മാങ്ങാ കഷ്ണങ്ങൾ ഒരു 2 മിനിറ്റ് ചൂടാക്കി എടുക്കുക.

അല്ലെങ്കിൽ

  • മാങ്ങാ കഷ്ണത്തിൽ ഉപ്പ് ചേർത്ത് ഇളക്കിയ ശേഷം വെയിലത്ത്  2 മണിക്കൂർ വച്ചാലും മതി.
  • ഈ രണ്ടു രീതിയിൽ ഏതെങ്കിലും ഒന്ന് ചെയ്താൽ മതി. ഇങ്ങനെ ചെയുന്നത് കൊണ്ട് മാങ്ങാ കഷ്ണങ്ങൾ ഒന്ന് ചുങ്ങി അതിൽ നിന്നും വെള്ളം ഊർന്നു വരും. അപ്പോൾ അച്ചാറിൽ വേറെ വെള്ളം ചേർക്കേണ്ട ആവശ്യമില്ല.

 

  • ചൂടാക്കിയ മാങ്ങാ കഷ്ണങ്ങൾ ആവശ്യത്തിന് ഉപ്പ് ഇട്ട് ഇളക്കി നന്നായി ചൂടാറിയ ശേഷം അടുത്ത ദിവസം വരെ അടച്ചു വക്കുക.
  • അടുത്ത ദിവസം മാങ്ങയിലേക്ക് 2 മുതൽ 5വരെ ഉള്ള പൊടികൾ എല്ലാം ചേർത്ത് നന്നായി ഇളക്കുക.
  • ഒരു ചീന ചട്ടിയിൽ നല്ലെണ്ണ നന്നായി ചൂടാക്കി വെളുത്തുള്ളി ഇട്ട് മൂപ്പിക്കുക.
  • അതിനുശേഷം മാങ്ങയിലേക്കു ഒഴിക്കുക. നന്നായി ഇളക്കി ഒന്ന് രണ്ടു ദിവസം വയ്ക്കുക. അതിനുശേഷം വായു കടക്കാത്ത പാത്രത്തിൽ സൂക്ഷിച്ച് വച്ച് ഉപയോഗിക്കാം.

English Summary :  Mango Pickle Recipe.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com