ഗൃഹാതുരത്വമുണര്ത്തും പാലപ്പവും മട്ടന് സ്റ്റ്യൂവും ; ഈസ്റ്റര് സ്പെഷൽ
Mail This Article
എങ്ങനെ വളരെ എളുപ്പത്തില് തേങ്ങാപ്പാലില് കുറുകിയ ചാറുള്ള രുചികരമായ മട്ടന് സ്റ്റ്യൂവും നല്ല പഞ്ഞി പോലുള്ള പാലപ്പവും തയാറാക്കാമെന്ന് നോക്കാം.
മട്ടന് സ്റ്റ്യൂ
ചേരുവകൾ :
• മട്ടന് - 1/2 കിലോഗ്രാം
• പട്ട - 4-5 ചെറിയ കഷണം
• ഏലയ്ക്ക - 8-10 എണ്ണം
• ഗ്രാമ്പു - 8-10 എണ്ണം
• ഇഞ്ചി -1 ഇഞ്ച് വലിപ്പത്തില്
• സവാള - 1
• പച്ചമുളക് - 4
• കറിവേപ്പില - ആവശ്യത്തിന്
• ഉരുളക്കിഴങ്ങ് - 1 ചെറുത്
• കാരറ്റ് - 1 ഇടത്തരം
• തേങ്ങാപ്പാൽ (രണ്ടാം പാൽ ) - 1 കപ്പ്
• തേങ്ങാപ്പാൽ (കട്ടിയുള്ള ഒന്നാംപാൽ ) - 1 കപ്പ്
• വെളിച്ചെണ്ണ - 2 ടേബിള് സ്പൂണ്
• ഉപ്പ് -ആവശ്യത്തിന്
തയാറാക്കുന്ന വിധം:
• മട്ടന്, ഉപ്പ്, പട്ട, ഗ്രാമ്പു, ഏലയ്ക്ക, ഇഞ്ചി ചതച്ചത് കുറച്ച് വെള്ളം എന്നിവ ചേര്ത്ത് 80% വേവിക്കുക.
• ഒരു പാനില് വെളിച്ചെണ്ണ ചൂടാക്കി അതിലേക്ക് നീളത്തില് അരിഞ്ഞ സവാള, അറ്റം പിളര്ന്ന പച്ചമുളക്, കറിവേപ്പില എന്നിവ ചേര്ത്ത് നിറം മാറാതെ ചെറുതായി വഴറ്റുക.
• ചെറിയ ചതുര കഷണങ്ങളായി മുറിച്ചെടുത്ത ഉരുളക്കിഴങ്ങും കാരറ്റും വഴറ്റിയ ചേരുവകളും മട്ടനില് ചേർത്തിളക്കി രണ്ടാം പാൽ ഒഴിച്ച് ഒരു വിസില് കൂടി വേവിക്കുക.
• സ്റ്റീം മുഴുവനും പോയ ശേഷം തുറന്ന് ഇതിലേക്ക് ഒന്നാംപാല് ഒഴിക്കുക. തിളച്ച ശേഷം തീ ഓഫ് ചെയ്യാം. കുറുകിയ ചാറോടു കൂടിയ മട്ടന് സ്റ്റ്യൂ തയാര്.
പാലപ്പം
ചേരുവകൾ :
• പച്ചരി - 1 1/2 കപ്പ്
• തേങ്ങ ചിരകിയത് - 1/2 കപ്പ്
• ചോറ് - 3/4 കപ്പ്
• യീസ്റ്റ് - 1/2 ടീസ്പൂണ്
• പഞ്ചസാര - 3/4 ടേബിള് സ്പൂണ്
തയാറാക്കുന്ന വിധം
പച്ചരി നന്നായി കഴുകി മിനിമം 4 മണിക്കൂര് കുതിര്ത്ത് അരച്ചെടുക്കുക. യീസ്റ്റും പഞ്ചസാരയും കൂടി പച്ചരി അരച്ചതുമായി യോജിപ്പിക്കുക.
അടുത്തതായി തേങ്ങ ചിരകിയതും ചോറും അരച്ചെടുത്ത് അരി അരച്ചതുമായി നന്നായി യോജിപ്പിക്കുക. ഈ കൂട്ട് 6- 8 മണിക്കൂര് മാറ്റി വയ്ക്കുക.
അതിനുശേഷം ഉപ്പ് ചേര്ത്ത് നന്നായി ഇളക്കി 1/2 മണിക്കൂര് വയ്ക്കുക. ഇപ്പോള് മാവ് നന്നായി പൊങ്ങി വന്നിട്ടുണ്ടാവും. ഇനി പാലപ്പച്ചട്ടിയിലേക്ക് ഓരോ തവി മാവ് വീതം ഒഴിച്ച് ചുറ്റിച്ചതിനുശേഷം ഒരു മിനിറ്റ് സമയം തീ കൂട്ടി വയ്ക്കുക. അപ്പോള് നന്നായി ഹോള്സ് വന്ന് തുടങ്ങും ഈ സമയത്ത് ലോ ഫ്ലേമിലേക്കാക്കി പാലപ്പം ചുട്ടെടുക്കാം.
English Summary : Easter Special Breakfast Recipe