കൊതിയൂറും രുചിയിൽ പഴം പത്തിരി

pazham-pathiri
SHARE

നോമ്പുതുറക്കാൻ ഇത് ഒരെണ്ണം മാത്രം മതി. ഏറെ പോഷകഗുണങ്ങൾ നിറഞ്ഞ ഒരു പലഹാരമാണിത്. കുട്ടികൾ മുതൽ മുതിർന്നവർക്കും ഏറെ ഇഷ്ടപ്പെടുന്ന ഒരു പലഹാരമാണിത്.

ചേരുവകൾ

  • ഏത്തപ്പഴം- 2
  • തേങ്ങ ചിരകിയത് - ഒരു കപ്പ്
  • നെയ്യ് - 3 ടേബിൾ സ്പൂൺ
  • നട്സ് - അരക്കപ്പ് 
  • പഞ്ചസാര - 3 ടേബിൾസ്പൂൺ
  • ഏലയ്ക്കാപൊടിച്ചത് - അര ടീസ്പൂൺ
  • മൈദ - ഒരു കപ്പ്
  • പാൽ / വെള്ളം - ഒന്നേകാൽ കപ്പ്
  • മുട്ട - 3
  • ഉപ്പ് - ആവശ്യത്തിന്
  • പൊടിച്ച പഞ്ചസാര - കാൽ കപ്പ്

തയാറാക്കുന്ന വിധം

  • ഒരു ഫ്രൈയിങ് പാനിൽ ഒരു ടേബിൾസ്പൂൺ നെയ്യ് ചൂടാക്കി നട്സ് വറുത്തുകോരുക. (അണ്ടിപ്പരിപ്പ്,ബദാം, പിസ്ത ഏതു വേണമെങ്കിലും ഉപയോഗിക്കാം)
  • ഇതേ നെയ്യിലേക്ക് അരിഞ്ഞ ഏത്തപ്പഴം, തേങ്ങ ചിരകിയത്, പഞ്ചസാര, ഏലയ്ക്കാപ്പൊടി ഇവ ചേർത്ത് കൊടുക്കുക.
  • ചെറിയ തീയിൽ നന്നായി വേവുന്നത് വരെ ഉടഞ്ഞു പോകാത്ത രീതിയിൽ വഴറ്റിയെടുക്കുക.
  • പഴം നന്നായി വെന്തുകഴിയുമ്പോൾ തീ ഓഫ് ചെയ്ത ശേഷം വറത്ത് വച്ച നട്സ് ചേർത്ത് ഇളക്കുക.
  • മൈദ, പാൽ, ഒരു മുട്ട, ആവശ്യത്തിന് ഉപ്പ് ഇവ ചേർത്ത് മിക്സിയിൽ നന്നായി അടിച്ചെടുക്കുക. (പാലിനു പകരം വെള്ളം ചേർത്താലും മതി)
  • ഒരു ദോശകല്ല് ചൂടാക്കി ഓരോ തവി മാവ് വീതം ഒഴിച്ച് കനംകുറച്ച്  ദോശ ചുട്ടെടുക്കുക.
  • ദോശയുടെ നടുവിലേക്ക് ഒരു സ്പൂൺ പഴം ഫില്ലിംഗ് വെച്ച് ചതുരത്തിൽ മടക്കി എടുക്കുക.
  • രണ്ട് മുട്ട, പഞ്ചസാര പൊടിച്ചത്  ഏലയ്ക്കാപ്പൊടി എന്നിവ ചേർത്ത് നന്നായി ബീറ്റ് ചെയ്തു എടുക്കുക.
  • ഒരു ഫ്രൈയിങ് പാനിൽ 2 ടേബിൾ സ്പൂൺ നെയ്യ് ചൂടാക്കുക. തയാറാക്കി വച്ച പത്തിരി – മുട്ട മിശ്രിതത്തിൽ മുക്കിയതിനുശേഷം  ബ്രൗൺ നിറത്തിൽ പൊരിച്ചെടുക്കുക.

English Summary : Iftar Special Banana Pathiri, Sweet Pathiri.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

നിത്യജ്വാലയായ് ചെന്താരകം

MORE VIDEOS
FROM ONMANORAMA