10 മിനിറ്റ് മതി, എളുപ്പത്തിൽ പരിപ്പ്, പപ്പായ പുളിങ്കറി
Mail This Article
വീട്ടിൽ ഉണ്ടാകുന്ന പപ്പായ കൊണ്ട് നാളികേരം അരക്കാതെ ചൂടു ചോറിന്റെ കൂടെ കഴിക്കാൻ പറ്റിയ ഒരു കിടിലൻ പപ്പായ പുളിങ്കറി...
ചേരുവകൾ :
പച്ച പപ്പായ -1 കപ്പ് (തൊലിയും കുരുവും കളഞ്ഞു ചെറുതാക്കി നുറുക്കിയത് )
തുവരപരിപ്പ് -1 ചെറിയ കപ്പ്
പുളി -1 ചെറിയ നാരങ്ങ വലിപ്പത്തിൽ (10 മിനിറ്റ് വെള്ളത്തിൽ കുതർത്തി വച്ചത് )
മഞ്ഞൾ പൊടി -1/4 ടീസ്പൂൺ
മുളക് പൊടി -1 ടീസ്പൂൺ
മല്ലി പൊടി -1 ടീസ്പൂൺ
വെളിച്ചെണ്ണ -1 ടീസ്പൂൺ
കടുക് -1/2 ടീസ്പൂൺ
ഉലുവ -1/4 ടീസ്പൂൺ
ജീരകം -1/4 ടീസ്പൂൺ
ചുവന്ന മുളക് -2 എണ്ണം
കറിവേപ്പില
ഉപ്പ് -ആവശ്യത്തിന്
തയാറാക്കുന്ന വിധം
പരിപ്പ് നന്നായി കഴുകിയ ശേഷം കുറച്ചു വെള്ളത്തിൽ 1/2 മണിക്കൂർ കുതിർത്ത് വയ്ക്കുക. അതിനു ശേഷം പ്രഷർ കുക്കറിൽ ഇട്ട് 2 വിസിൽ വരുന്ന വരെ വേവിക്കുക.
അതിനുശേഷം അതിലേക്ക് പപ്പായ നുറുക്കിയത്, മഞ്ഞൾ പൊടി, മുളകുപൊടി, മല്ലിപ്പൊടി, ഉപ്പ്, പുളി എന്നിവ ചേർത്ത് വീണ്ടും 2 വിസിൽ വരുന്ന വരെ വേവിക്കുക.
അതിലേക്കു വേറെ ഒരു പാനിൽ വെളിച്ചെണ്ണ ഒഴിച്ച് കടുക്, ഉലുവ, ജീരകം, ചുവന്ന മുളക്, കറിവേപ്പില എന്നിവ വറത്തു കറിയിലേക്ക് ഇട്ടു കൊടുക്കുക. ചൂടു ചോറിന്റെ കൂടെ നല്ല ഒരു കറി ആണിത്.
English Summary : Papaya Pulinkari Recipe.