സൂപ്പർ ഹെൽത്തി മസാല ഓട്സ്, തടി കുറയ്ക്കാൻ ബെസ്റ്റ്

തടി കുറക്കാൻ ആഗ്രഹിക്കുന്നവർക്കും പ്രമേഹ രോഗികൾക്കും കൊളസ്ട്രോൾ കൂടുതലുള്ളവർക്കും ഉപയോഗിക്കാൻ ഒരു സൂപ്പർ ഹെൽത്തിയായ മസാല ഓട്സ്. ധാരാളം പച്ചക്കറികൾ ചേർക്കുന്നതുകൊണ്ട് പോഷകഗുണങ്ങൾ ഏറെയാണ്.

ചേരുവകൾ

• ഓട്സ് - ഒരു കപ്പ്
  
• ബദാം - രണ്ട് ടേബിൾസ്പൂൺ
• കപ്പലണ്ടി - 2 ടേബിൾ സ്പൂൺ
• ഉണക്കമുന്തിരി - 2 ടേബിൾ സ്പൂൺ
• നെയ്യ് - ഒരു ടീസ്പൂൺ
• ജീരകം - അര ടീസ്പൂൺ
• സവാള-1
• ഇഞ്ചി - വെളുത്തുള്ളി പേസ്റ്റ് ഒരു ടീസ്പൂൺ
• കാശ്മീരി മുളകുപൊടി - ഒരു ടീസ്പൂൺ
• മഞ്ഞൾപ്പൊടി - അര ടീസ്പൂൺ
• ഗരംമസാല - കാൽ ടീ സ്പൂൺ
• കാരറ്റ് - 1
• തക്കാളി - 1
• ബീൻസ് - 10
• ഗ്രീൻപീസ് വേവിച്ചത് - കാൽ കപ്പ്
• കാപ്സിക്കം - 1
• മല്ലിയില - ഒരു പിടി

തയാറാക്കുന്ന വിധം

• ചുവടു കട്ടിയുള്ള ഒരു പാത്രത്തിൽ ചെറുതായി അരിഞ്ഞ ബദാം, കപ്പലണ്ടി, ഉണക്കമുന്തിരി ഇവ എണ്ണയില്ലാതെ വറുത്തെടുക്കുക.
• ഇതേ പാത്രത്തിലേക്ക് ഒരു ടീസ്പൂൺ നെയ്യ് ചൂടാക്കുക. അര ടീസ്പൂൺ ജീരകം ചേർത്ത് മൂപ്പിച്ച ശേഷം ചെറുതായി അരിഞ്ഞ സവാളയും ഇഞ്ചി വെളുത്തുള്ളി പേസ്റ്റും  ചേർക്കുക.
• പച്ചമണം മാറുമ്പോൾ മസാലപ്പൊടികൾ ചേർത്ത് വഴറ്റുക. ഇതിലേക്ക് ചെറുതായി അരിഞ്ഞ തക്കാളിയും ബാക്കിയുള്ള പച്ചക്കറികൾ ചെറുതായി അരിഞ്ഞതും ചേർത്ത് വഴറ്റുക.
• എല്ലാം കൂടി നന്നായി യോജിച്ചു കഴിയുമ്പോൾ മൂന്നു കപ്പ് വെള്ളവും ആവശ്യത്തിന് ഉപ്പും ചേർക്കുക.
• പച്ചക്കറികൾ വേവാൻ  5 മിനിറ്റ് ചെറിയ തീയിൽ തിളപ്പിക്കുക. ഇതിലേക്ക് ഒരു കപ്പ് ഓട്സ് ചേർത്ത് നന്നായി ഇളക്കി യോജിപ്പിക്കുക.
• ഓട്സ് നന്നായി വെന്തു കുറുകിവരുമ്പോൾ തീ ഓഫ് ചെയ്ത ശേഷം വറത്തു വച്ചിരിക്കുന്ന നട്സും  മല്ലിയിലയും വിതറുക.
• ഈയൊരു അളവിൽ നാല് പേർക്ക് കഴിക്കാനുള്ള മസാല ഓട്സ് തയാറാക്കാം.

English Summary : Healthy Masala Oats.