ഉഗ്രൻ രുചിയിൽ അരിപ്പൊടി ഉപ്പുമാവ്

പുട്ട് പൊടി കൊണ്ട് രുചികരമായ ഉപ്പുമാവ് തയാറാക്കുന്നത് എങ്ങനെയെന്ന് നോക്കാം.

ചേരുവകൾ

• പുട്ടിന്റെ പൊടി -  1 ഗ്ലാസ്
• വെളിച്ചെണ്ണ - 2 ടേബിൾ സ്പൂൺ
• കടുക് - 1/2 ടീസ്പൂൺ
• ഉഴുന്ന് പരിപ്പ് - 1 ടേബിൾ സ്പൂൺ 
• ഉണക്ക മുളക്‌ - 1
• സവാള - 1
• പച്ചമുളക് - 1
• ഇഞ്ചി - ഒരു ചെറിയ കഷ്ണം
• കറിവേപ്പില
• വെള്ളം - 2 ഗ്ലാസ്‌
• ചെറുനാരങ്ങ നീര് -  1/2 ടീസ്പൂൺ
• ഉപ്പ്‌ - ആവശ്യത്തിന്

.തയാറാക്കുന്ന വിധം

• അരിപ്പൊടി അരിപ്പയിൽ അരിച്ചെടുക്കുക. 
• ഒരു ചീനച്ചട്ടിയിൽ എണ്ണ ഒഴിച്ച് ചൂടായ ശേഷം കടുക്, ഉഴുന്ന്, മുളക്‌  എന്നിവ ചേർത്ത് മൂത്തതിനു ശേഷം സവാള, പച്ചമുളക്, ഇഞ്ചി, കറിവേപ്പില ഇട്ട് മൂപ്പിക്കുക.
• മൂത്തതിനു ശേഷം വെള്ളം ആവശ്യത്തിന് ഉപ്പ് ഇട്ട് തിളപ്പിക്കുക. തിളച്ചതിന് ശേഷം അരിപ്പൊടി കുറേശ്ശേ ചേർത്ത് വെള്ളം വറ്ററാവുമ്പോൾ നാരങ്ങാ നീര് ഒഴിച്ച് നന്നായി ഇളക്കി യോജിപ്പിക്കുക.
• അരിപ്പൊടി കൊണ്ടുള്ള ഉപ്പുമാവ് തയാർ.

English Summary : Rice powder upma, Malayalam Recipe.