വൈറ്റ് പൊട്ടറ്റോ സ്റ്റ്യു, തനി നാടൻ രുചിയിൽ

ചൂടുള്ള അപ്പത്തിന്റെയും  ചപ്പാത്തിയുടെയും കൂടെ സൂപ്പർ കോമ്പിനേഷനാണ് ഈ പൊട്ടറ്റോ സ്റ്റ്യൂ.

ചേരുവകൾ:

• ഉരുളക്കിഴങ്ങ് - 3 എണ്ണം 
• കാരറ്റ് - 1 എണ്ണം 
• പച്ചമുളക്  -4എണ്ണം 
• ഉള്ളി - 1 എണ്ണം 
• ഇഞ്ചി - ഒരു കഷ്ണം നീളത്തിൽ അരിഞ്ഞത് 
• വറ്റൽ മുളക് - 2 എണ്ണം 
• കട്ടി നാളികേരപ്പാൽ - 1 കപ്പ് 
• കുരുമുളക് - 2 ടേബിൾ സ്പൂൺ 
• കറുവപ്പട്ട - 1 കഷ്ണം 
• ഗ്രാമ്പൂ - 3,4 എണ്ണം 
• ഏലക്കായ - 3,4എണ്ണം 
• വെളിച്ചെണ്ണ- 2 ടേബിൾ സ്പൂൺ 
• അണ്ടിപ്പരിപ്പ് - 1 ടേബിൾ സ്പൂൺ 
• ഉണക്ക മുന്തിരി - 1 ടേബിൾ സ്പൂൺ 
• ചെറിയ ഉള്ളി - 3 എണ്ണം 
• നെയ്യ്- 1 ടേബിൾ സ്പൂൺ 
• കറി വേപ്പില - ആവശ്യത്തിന് 
• ഉപ്പ് - ആവശ്യത്തിന് 

തയാറാക്കുന്ന വിധം

• ആദ്യമായി കുരുമുളകും ഏലക്കായും ഗ്രാമ്പൂവും പട്ടയും ഒന്ന് ചതച്ചെടുക്കുക. ഒരു പാൻ ചൂടാക്കി അതിലേക്ക് ഈ ചതച്ചു വച്ച മിശ്രിതം ഇട്ടുകൊടുത്ത് വഴറ്റി അതിലേക്ക്‌ ഉള്ളി ചെറുതായി അരിഞ്ഞതും ഇഞ്ചി നീളത്തിൽ അരിഞ്ഞതും ഇട്ടു കൊടുത്തു വഴറ്റിയെടുത്ത ശേഷം പച്ചമുളകും ഉരുളക്കിഴങ്ങും ഇട്ടു വഴറ്റി എടുക്കുക. 
• ശേഷം അതിലേക്ക് കാരറ്റ് കൂടി ചേർത്ത് കൊടുത്തു വഴറ്റി ആവശ്യത്തിന് വെള്ളവും ഉപ്പും ചേർത്ത് വേവിച്ചെടുക്കുക. 
• വെന്ത ശേഷം അതിലേക്ക് നാളികേരപ്പാൽ ഒഴിച്ച് കൊടുത്തു ഒന്ന് തിളച്ച ശേഷം തീ ഓഫ് ചെയ്യുക. 
• വേറൊരു പാൻ ചൂടാക്കി അതിൽ നെയ്യ് ഇട്ട ശേഷം ചുവന്നുള്ളിയും വറ്റൽമുളകും അണ്ടിപ്പരിപ്പും മുന്തിരിയും കറിവേപ്പിലയും താളിച്ചു ഒഴിച്ച് കൊടുത്താൽ നല്ല രുചിയോടു കൂടെയുള്ള പൊട്ടറ്റോ വൈറ്റ് സ്റ്റ്യൂ റെഡി. 
  

English Summary : Potato stew Kerala style Recipe.