രുചി വിസ്മയം തീർക്കാൻ ഡൈനാമൈറ്റ് ചിക്കൻ

പാർട്ടികളിൽ സ്റ്റാറാകാൻ ചിക്കൻ ഇനി ഇതുപോലെ ഉണ്ടാക്കി നോക്കൂ, റസ്റ്ററന്റ് സ്റ്റൈൽ ഡൈനാമൈറ്റ് ചിക്കൻ രുചി ഇതാ.

ചേരുവകൾ 

• എല്ലില്ലാത്ത ചിക്കൻ - അരക്കിലോഗ്രാം
• വെളുത്തുള്ളി അരച്ചത് - 2 ടീസ്പൂൺ
• മുളകുപൊടി - 2 ടേബിൾസ്പൂൺ
• സോയാസോസ്‌ - 1 ടേബിൾസ്പൂൺ
• മുട്ട - 1
• ഒറിഗാനോ - 1 ടീസ്പൂൺ
• ഉപ്പ് - ആവശ്യത്തിന് 
• മൈദാ – അരക്കപ്പ്
• കോൺഫ്ലോർ - അരക്കപ്പ് 
• കുരുമുളകുപൊടി - 1 ടീസ്പൂൺ 
• മയോണൈസ് - മുക്കാൽ കപ്പ് 
• ചില്ലിസോസ് - 2 ടേബിൾസ്പൂൺ
• ടൊമാറ്റോ സോസ് - 4 ടേബിൾ സ്പൂൺ
• തേൻ - 1 ടേബിൾ സ്പൂൺ

തയാറാക്കുന്ന വിധം

• ഒരു ബൗളിലേക്ക് മുളകുപൊടി, ഉപ്പ്, മുട്ട, സോയാസോസ്, വെളുത്തുള്ളി പേസ്റ്റ്, ഒറിഗാനോ എന്നിവ ചേർത്ത് യോജിപ്പിക്കുക. ഇതിലേക്ക് ചിക്കൻ ചേർത്ത് 30 മിനിറ്റ് മാരിനേറ്റ് ചെയ്യുക .
• മൈദ, കോൺഫ്ലോർ, ഉപ്പ്, കുരുമുളകുപൊടി എന്നിവ യോജിപ്പിക്കുക. 
• ചിക്കൻ കഷ്ണങ്ങൾ ഇതിൽ പൊതിഞ്ഞു ഫ്രൈ ചെയ്തെടുക്കുക.
• മറ്റൊരു ബൗളിൽ മയോണൈസ് ചില്ലി സോസ്, ടൊമാറ്റോ സോസ്, തേൻ, വെളുത്തുള്ളി പേസ്റ്റ്, ഉപ്പ്  എന്നിവ ചേർത്ത് മിക്സ് ചെയ്യുക.  ഇതിലേക്കു ഫ്രൈ ചെയ്ത ചിക്കൻ ചേർത്ത് യോജിപ്പിക്കാം.സ്റ്റാർട്ടർ ആയി വിളമ്പാം.

English Summary : Dynamite Chicken Restaurent style Recipe.