മടിയുള്ള ദിവസങ്ങളിൽ എളുപ്പത്തിൽ ഖിച്ച്ടി റൈസ്

മടിയുള്ള ദിവസങ്ങളിൽ പെട്ടെന്ന് തയാറാക്കാവുന്ന പരിപ്പ് ചോറിന്റെ രുചിക്കൂട്ട് ഇതാ...

ചേരുവകൾ 

• അരി - 1കപ്പ് (പച്ചരി/ബിരിയാണി അരി/ വെള്ള അരി)
• പരിപ്പ് - മുക്കാൽ കപ്പ് മുതൽ 1കപ്പ് വരെ 
• സവാള - 1-2
• തക്കാളി - 1-2
• മഞ്ഞൾപ്പൊടി - അര സ്പൂൺ 
• പച്ചമുളക് - 2-3
• ഇഞ്ചി - ചെറുത്‌ 
• ഉപ്പ്‌ 
• ഉരുളക്കിഴങ്ങ് - 1
• എണ്ണ/നെയ്യ്/ബട്ടർ(വെളിച്ചെണ്ണ നന്നായിരിക്കില്ല)
• മല്ലിയില 
• കറിവേപ്പില 

  തയാറാക്കുന്ന വിധം

• ഒരു  പ്രഷർ കുക്കറിൽ കുറച്ച് എണ്ണ ഒഴിച്ച് സവാള ,തക്കാളി, മല്ലിയില, കറിവേപ്പില, ഇഞ്ചി, പച്ചമുളക് എന്നിവ ചേർത്ത് വഴറ്റുക. 
• ഉരുളക്കിഴങ്ങു  കൂടെ ചേർത്ത് വഴറ്റി 4 ഗ്ലാസ്‌ വെള്ളം ഒഴിച്ച് ഉപ്പും  ചേർത്ത് ചൂടാക്കുക. ശേഷം കഴുകി വച്ച അരിയും പരിപ്പും ഇട്ടു ഇളക്കി 3 വിസിൽ അടിച്ചശേഷം ഓഫാക്കി വയ്ക്കുക. 
• പ്രഷർ പോയ ശേഷം തുറന്ന് , മല്ലിയില കറിവേപ്പില എന്നിവ  ഇടാം.

ശ്രദ്ധിക്കാൻ

• മട്ട അരി ഒഴികെ ഏത് വെള്ള അരിയും എടുക്കാം
• കടലപ്പരിപ്പ് ചെറുപരിപ്പ് എന്നിവയും എടുക്കാവുന്നതാണ്. 
• അരിയുടെ വേവ് അനുസരിച്ചു വെള്ളം ചേർക്കുന്നതിൽ വ്യത്യാസം വരും
• ബിരിയാണി പാകത്തിൽ ആണ് വേവിച്ചിരിക്കുന്നത്. കുറച്ച് കുഴഞ്ഞ രീതിയിൽ വേണമെങ്കിൽ 1ഗ്ലാസ് കൂടെ വെള്ളം ചേർക്കാം വേവിക്കുമ്പോൾ 
• കാരറ്റ് , ബീൻസ് ഏത് പച്ചക്കറികളും ഇതിൽ ചേർക്കാം.
• അരിയും പരിപ്പും വേണമെങ്കിൽ നേരത്തെ കുതീർത്തും വയ്ക്കാം.

English Summary : Rice dal kichadi, easy lunch recipe by Smitha Chandrasekharan