പുട്ടിനും ചോറിനും ഒരു പോലെ കൂട്ടാം ഈ ചെറുപയർ പുഴുക്ക്

ഒരു കപ്പ് ചെറുപയർ നന്നായി കഴുകി 4 മണിക്കൂർ വെള്ളത്തിൽ കുതിർത്തതിനു ശേഷം മൂന്നു വിസിലിന് പ്രഷർ കുക്കറിൽ വേവിച്ച് എടുക്കാം. പ്രഷർ പോയതിനു ശേഷം മാത്രം മൂടി തുറക്കുക.

അരപ്പിനു ആവശ്യമുള്ള ചേരുവകൾ.

• ചിരവിയ തേങ്ങ –  അരക്കപ്പ്
• ജീരകം - അര ടീസ്പൂൺ 
• സവാള – 1 ചെറുത്
• വെളുത്തുള്ളി – 1 അല്ലി

തയാറാക്കുന്ന വിധം

• അരപ്പിനുള്ള ചേരുവകൾ എല്ലാം നന്നായി അരച്ചെടുക്കുക. ഇത് തയാറാക്കിയ ചെറുപയറിലേക്കു ഒഴിച്ച് രണ്ട് പച്ചമുളകും കൂടി മുറിച്ചിട്ട് ആവശ്യത്തിന് വെള്ളം ഒഴിച്ച് തിളപ്പിക്കുക.
• അതിനു ശേഷം ഒരു ടേബിൾ സ്പൂൺ വെളിച്ചെണ്ണയിൽ, ഒരു ടീസ്പൂൺ കടുകും ഒരു വറ്റൽമുളകും ആവശ്യത്തിന്  കറിവേപ്പിലയും അഞ്ചു ചെറിയഉള്ളി വട്ടത്തിൽ അരിഞ്ഞതും കൂടി ചേർത്ത് ഇളം ബ്രൗൺ നിറമാകുമ്പോൾ കറിയിലേക്ക് ഒഴിച്ച് ചൂടോടെ ഉപയോഗിക്കാം.

English Summary : Moong dal curry for Puttu, Roti or Rice.