ആലൂപൂരി ആരേയും കൊതിപ്പിക്കുന്ന രുചിയിൽ

ഉരുളക്കിഴങ്ങ് കൊണ്ട് തയാറാക്കാം എത്ര തിന്നാലും മതിവരാത്ത ആലു പൂരി. 

ചേരുവകൾ

• ഉരുളക്കിഴങ്ങ് - 2 എണ്ണം വലുത് പുഴുങ്ങിയത്
• ഗോതമ്പ് പൊടി - 2 കപ്പ്‌
• റവ - 2 ടേബിൾസ്പൂൺ
• ജീരകം - 1 ടീസ്പൂൺ
• അയമോദകം - 1 ടീസ്പൂൺ
• മഞ്ഞൾപ്പൊടി - 1/4 ടീസ്പൂൺ
• മല്ലിയില - 1 ടേബിൾസ്പൂൺ അരിഞ്ഞത്
• ഉപ്പ് - അവശ്യത്തിന്
• വെള്ളം - കുഴയേക്കാൻ അവിശ്യത്തിന്
• എണ്ണ - വറുക്കാൻ അവിശ്യത്തിന്

തയാറാക്കുന്ന വിധം വിഡിയോ കാണാം

• ഒരു പ്രഷർ കുക്കറിൽ ഉരുളക്കിഴങ്ങ് വെള്ളം ഒഴിച്ച് നാല് വിസിൽ വരുന്നത് വരെ വേവിക്കുക. ഉരുളക്കിഴങ്ങ് പുഴുങ്ങിയത് നന്നായി ഗ്രേറ്റ്‌ ചെയ്ത് എടുക്കുക.
• ഇതിലേക്ക് ഗോതമ്പുപൊടി, റവ, ജീരകം,അയമോദകം, മുളകുപൊടി, മഞ്ഞൾപ്പൊടി, മല്ലിയില അരിഞ്ഞത്, ഉപ്പ് എന്നിവ ചേർത്തു യോജിപ്പിക്കുക. ആവശ്യത്തിന് വെള്ളം ഒഴിച്ച് ചപ്പാത്തിക്ക് കുഴക്കുന്നത് പോലെ കട്ടിയിൽ കുഴച്ചെടുക്കുക . 
• ഇതിൽ നിന്ന് നാരങ്ങ വലുപ്പത്തിൽ മാവ് എടുത്ത് കുറച്ച് കട്ടിയായി പരത്തി എടുക്കുക . 
• പരത്തിയ പൂരി ചൂടായ എണ്ണയിൽ ഇടുക , ഒരു തവി കൊണ്ട് എല്ലാ വശവും അമർത്തി കൊടുക്കുക അപ്പോൾ നന്നായി പൊങ്ങി വരും .രണ്ടു വശവും തിരിച്ചിട്ട് നന്നായി വറുത്തെടുക്കുക. 

English Summary : Aloo Poori, Breakfast Recipe.