ഈദ് സ്പെഷൽ തലശ്ശേരി ചിക്കൻ ദം ബിരിയാണി

ബക്രീദ് വിരുന്നിനൊരുക്കാം തലശ്ശേരി സ്പെഷൽ ചിക്കൻ ദം ബിരിയാണി.

ചേരുവകൾ

• ചിക്കൻ - അര കിലോ
• ഇഞ്ചി - ചെറിയ കഷണം
• വെളുത്തുള്ളി -1 എണ്ണം
• പച്ചമുളക് -2-3  എണ്ണം
• മഞ്ഞൾപ്പൊടി- പകുതി ടീസ്പൂൺ
• മുളകുപൊടി -1 ടേബിൾസ്പൂൺ
• മല്ലിപ്പൊടി - 1 ടേബിൾസ്പൂൺ
• ഗരം മസാല പൊടി - 2 ടീസ്പൂൺ
• സവാള -4  എണ്ണം
• തക്കാളി 1 എണ്ണം
• ഉപ്പ് – ആവശ്യാനുസരണം.
• കൈമ അരി / ജീരക്കശാല അരി - 4 കപ്പ്
• ചൂടുവെള്ളം - 6 കപ്പ് (1 കപ്പ് 1 1/2 കപ്പ് വെള്ളം )
• നെയ്യ്  - 2 ടേബിൾസ്പൂൺ
• അണ്ടിപരിപ്പ് -10
• ഉണക്കമുന്തിരി 10-12
• എലക്ക / ഏലയ്ക്ക - 4
• വഴനയില -1
• കറുവപ്പട്ട -ചെറിയ കഷ്ണം
• തക്കോലം -1
• ഗ്രാമ്പൂ -4
• ജാതിപത്രി - 1 എണ്ണം
• ഓയിൽ- അരകപ്പ് 

തയാറാക്കുന്ന വിധം

• പച്ചമുളക്, ഇഞ്ചി, വെളുത്തുള്ളി ഇവ ചെറുതായി ചതച്ചെടുക്കണം.
• വൃത്തിയാക്കിയ ചിക്കനിൽ ആവശ്യത്തിന് ഉപ്പും ചതച്ചെടുത്ത ഇഞ്ചി, വെളുത്തുള്ളി, പച്ചമുളക്, മഞ്ഞൾപ്പൊടി, മല്ലിപ്പൊടി, കാശ്മീരി മുളകുപൊടി, ഗരംമസാലപ്പൊടി എന്നിവ ചേർത്ത് നന്നായി  പുരട്ടി അരമണിക്കൂർ വയ്ക്കുക.
  
• ഒരു ഫ്രൈയിങ് പാനിൽ രണ്ട് ടേബിൾസ്പൂൺ നെയ്യ് ഒഴിച്ച് ചൂടായി വരുമ്പോൾ അതിലേക്ക് അണ്ടിപരിപ്പ്, മുന്തിരി എന്നിവ ചേർത്ത് വഴറ്റി എടുത്ത് മാറ്റി വയ്ക്കുക.
  
• അതേ പാനിൽ അരക്കപ്പ് ഓയിൽ  കൂടി ഒഴിച്ച് നീളത്തിൽ നേരിയതായി മുറിച്ച് സവാള ഫ്രൈ ചെയ്ത് എടുക്കണം
  

റൈസ് തയാറാക്കാൻ

• അര മണിക്കൂർ അരി വെള്ളത്തിൽ കുതിർത്ത് വയ്ക്കണം.
• ഇത് ഊറ്റി മാറ്റി വയ്ക്കണം.
• ഒരു വലിയ പാത്രത്തിൽ രണ്ട് സ്പൂൺ നെയ്യ് ഒഴിച്ച് ചൂടാക്കുക. ഇതിൽ  കരയാമ്പൂ, ഏലക്ക, വഴനയില , തക്കോലം എന്നിവ ചേർത്ത് വഴറ്റുക.
• ഇതിലേക്ക് ഊറ്റിയെടുത്ത അരി ചേർത്തുകൊടുക്കണം. ചെറുതായി വറുത്തെടുക്കുക. 6 ഗ്ലാസ് ചൂടുവെള്ളം ഒഴിച്ച് ആവശ്യത്തിന് ഉപ്പും ചേർത്ത് 10 മിനിറ്റ് വേവിക്കണം.
• അണ്ടിപരിപ്പ്, മുന്തിരി എന്നിവ ചേർത്ത് വഴറ്റി എടുക്കുക, ഇത് മാറ്റി വയ്ക്കുക.

മസാല തയാറാക്കാൻ

• ഒരു ഫ്രൈയിങ് പാനിൽ രണ്ട് ടേബിൾസ്പൂൺ ഓയിൽ ഒഴിച്ച് നേരിയതായി മുറിച്ചത് സവാള ചേർത്ത് വഴറ്റുക. 
• ഇതിലേക്ക് ചതച്ചു വച്ച ഇഞ്ചി ,വെളുത്തുള്ളി, പച്ചമുളക് എന്നിവ ചേർത്ത് വഴറ്റുക. ഇതിൽ കാൽ സ്പൂൺ മഞ്ഞൾപ്പൊടി, മല്ലിപ്പൊടി, ഗരം മസാലപ്പൊടി, കുരുമുളകുപൊടി, മുളകുപൊടി എന്നിവ ചേർത്ത് ഇളക്കുക.
• ഇതിലേക്ക് ഒരു തക്കാളി നേരിയതായി മുറിച്ചത് ചേർത്തു കൊടുക്കണം.
  
• അതിനുശേഷം ചിക്കൻ ഇതിലേക്ക് ചേർത്ത് ഇളക്കുക. രണ്ട് മിനിറ്റ് മൂടി വയ്ക്കുക.
• മല്ലിയില, പുതിനയില  എന്നിവ ചേർത്തു യോജിപ്പിക്കുക.
• തയാറാക്കിയ മസാല വേവിച്ച് ചോറുമായി ചേർത്ത് വിളമ്പാം.
  

English Summary : Thalassery Chicken Dum Biryani.