വ്യത്യസ്ത രുചിയുമായി സ്പൈസി പാസ്ത

ഓണസദ്യ കഴിച്ചു വയറും മനസും നിറഞ്ഞവർക്കു ഒരു സ്‌പൈസി പാസ്ത, എളുപ്പത്തിൽ തയാറാക്കാം.

ചേരുവകൾ 

• പാസ്ത - 1 കപ്പ്  
• തക്കാളി - 3 എണ്ണം 
• സവാള -1 വലുത് 
• വെളുത്തുള്ളി - 1 ടേബിൾസ്പൂൺ
• സാമ്പാർ പൊടി - 1 ടീസ്പൂൺ
• മുളകുപൊടി - 1/2 ടീസ്പൂൺ 
• മഞ്ഞൾപ്പൊടി -1/4 ടീസ്പൂൺ 

തയാറാക്കുന്ന വിധം

• ആദ്യം പാസ്ത വേവിച്ചു മാറ്റി വയ്ക്കുക. 
• ശേഷം ഒരു ഫ്രൈയിങ് പാനിൽ ഓയിൽ ചേർത്ത് ചെറുതായി അരിഞ്ഞ വെളുത്തുള്ളി വഴറ്റി എടുക്കുക. ശേഷം അരിഞ്ഞ സവാള ചേർത്ത് നന്നായി യോജിപ്പിച്ച് എടുക്കുക. 
• മഞ്ഞൾപ്പൊടി ചേർക്കുക, കളർ മാറി വരുമ്പോൾ അരിഞ്ഞ തക്കാളി ചേർക്കുക. ചെറിയ തീയിൽ വേവിക്കുക. 
• തക്കാളി വെന്തതിനു ശേഷം മസാലകൾ ചേർക്കാം. സാമ്പാർപ്പൊടി, മുളകുപൊടി എന്നിവ ചേർത്ത് നന്നായി വഴറ്റുക . 
• മസാല പച്ച മണം മാറിയതിനു ശേഷം വേവിച്ച പാസ്ത ചേർക്കുക . നന്നായി യോജിപ്പിച്ച് എടുക്കാം.
• കറിവേപ്പില ചേർത്ത് വാങ്ങാം. സൂപ്പർ രുചിയിൽ സ്‌പൈസി പാസ്ത റെഡി .

English Summary : Quick and easy spicy masala pasta