വെറും ഒരു മിനിറ്റിൽ തയാറാക്കാം മുട്ട ചേർക്കാത്ത നല്ല ഗാർലിക് മയോണൈസ്

ഒരു മിനിറ്റു കൊണ്ട് വളരെ എളുപ്പത്തിൽ ഗാർലിക് മയോണൈസ്

ചേരുവകൾ

1. നല്ല കട്ടിയുള്ള പാൽ (സാധാരണ ഊഷ്മാവിലുള്ളത് ) - 1/3 കപ്പ്
2. സൺഫ്ലവർ ഓയിൽ ( സാധാരണ ഊഷ്മാവിലുള്ളത് ) - 1/3 കപ്പ്
3. കുരുമുളകുപൊടി – 1/4 ടീസ്പൂൺ
4. വെളുത്തുള്ളി അല്ലി – 1 എണ്ണം
5. പഞ്ചസാര – 1 ടീസ്പൂൺ
6. വിനാഗിരി – 1 ടേബിൾ സ്പൂൺ
7. ഉപ്പ് – 1/4 ടീസ്പൂൺ

തയാറാക്കുന്ന വിധം

നനവ് തീരെ ഇല്ലാത്ത ഒരു മിക്സിയുടെ ജാറിലേക്ക് സാധാരണ ഊഷ്മാവിലുള്ള നല്ല കട്ടിയുള്ള 1/3 കപ്പ് പാലും സാധാരണ ഊഷ്മാവിലുള്ള 1/3 കപ്പ് സൺഫ്ലവർ ഓയിലും ചെറുതാക്കി അരിഞ്ഞ ഒരു അല്ലി വെളുത്തുള്ളിയും കാൽ ടീസ്പൂൺ കുരുമുളക് പൊടിയും ഒരു ടീസ്പൂൺ പഞ്ചസാരയും കാൽ ടീസ്പൂൺ ഉപ്പും ഒരു ടേബിൾ സ്പൂൺ വിനാഗിരിയും ചേർത്ത് നല്ല സ്പീസിൽ 30 സെക്കൻ്റ് അരച്ചെടുക്കുക. ഗാർലിക്ക് മയോനൈസ് തയാർ.

English Summary : Eggless Mayonnaise Just in one minute.