നല്ല കുറുകിയ ചാറോട് കൂടിയ മത്തി മുളകിട്ടത്

ചോറിനും കപ്പയ്ക്കും ചപ്പാത്തിക്കും കൂടെ ഒരേ ഒരു കറി മതി, മത്തി മുളകിട്ടത്.

ചേരുവകൾ

• മത്തി - 10 എണ്ണം 
• ചെറിയുള്ളി - 10 എണ്ണം 
• ഇഞ്ചി വെളുത്തുള്ളി ചതച്ചത് - 1 ടേബിൾസ്പൂൺ 
• കറിവേപ്പില - 2 തണ്ട് 
• പച്ചമുളക് - 3 എണ്ണം 
• വെളിച്ചെണ്ണ - 3-4 ടേബിൾസ്പൂൺ 
• മഞ്ഞൾപ്പൊടി - 1/4 ടീസ്പൂൺ
• മുളകുപൊടി - 2 ടേബിൾസ്പൂൺ 
• മല്ലിപ്പൊടി - 1 ടീസ്പൂൺ 
• കുടംപുളി - 4 എണ്ണം 
• തേങ്ങ ചിരവിയത് - 2 ടേബിൾസ്പൂൺ 
• വെള്ളം - 1 കപ്പ്‌ 
• ഉലുവാപ്പൊടി - 1/4 ടീസ്പൂൺ 
• ഉപ്പ് - ആവശ്യത്തിന്

  തയാറാക്കുന്ന വിധം

• ഒരു ചൂടായ ചട്ടിയിൽ വെളിച്ചെണ്ണ ഒഴിച്ച് ചൂടാക്കിയതിന് ശേഷം ചെറിയുള്ളി ചേർത്ത് മൂപ്പിച്ചെടുക്കാം. 
• ചതച്ചുവച്ച ഇഞ്ചിവെളുത്തുള്ളി, പച്ചമുളക്, കറിവേപ്പില എന്നിവ ചേർത്ത് ഒന്ന് വഴറ്റണം. 
• ശേഷം മഞ്ഞൾപ്പൊടി, മുളകുപൊടി, മല്ലിപ്പൊടി ചേർക്കാം ചെറുതായൊന്നു ചൂടാക്കിയതിനു ശേഷം തേങ്ങയും ചെറിയുള്ളിയും അരച്ചത് ചേർക്കാം. വെള്ളം ഒഴിച്ചുകൊടുക്കാം. ആവശ്യത്തിന് ഉപ്പും ചേർക്കാം. 
• വറത്തുപൊടിച്ച ഉലുവാപ്പൊടിയും ചേർക്കാം. ഇനി മീൻ ചേർക്കാം. ഒരു 5 -10 മിനിറ്റു കഴിഞ്ഞാൽ കുറച്ച് കറിവേപ്പില ചേർത്തു വാങ്ങാം.

English Summary : Sardines, loaded with the omega 3 fatty acids and other essential nutrients.