ഞൊടിയിടയിൽ ഒരു കറുമുറാ മുറുക്ക്

കറുമുറെ കൊറിക്കാൻ എളുപ്പത്തിലൊരു പലഹാരം വീട്ടിൽ തയാറാക്കിയാലോ?

ചേരുവകൾ

• ചൗവ്വരി - 1 കപ്പ്‌ 
• ഉരുളക്കിഴങ്ങ് - 2 (പുഴുങ്ങിയത് )
• മൈദ - 1/4 കപ്പ്‌ 
• പച്ചമുളക് - 2-3 എണ്ണം 
• ചതച്ചുവച്ച മുളക് - 1 ടീസ്പൂൺ 
• നാരങ്ങാനീര് - ഒരു ടീസ്പൂൺ
• ജീരകം - 1/4 ടീസ്പൂൺ 
• മല്ലിയില - ചെറിയ പിടി 
• നെയ്യ് - 1 ടീസ്പൂൺ 
• ഓയിൽ - വറുക്കാൻ ആവശ്യത്തിന് 
• ഉപ്പ് - ആവശ്യത്തിന്

തയാറാക്കുന്നവിധം 

• ഒരു പാനിൽ ചൗവ്വരി ഒന്ന് ചൂടാക്കിയതിന് ശേഷം പൊടിച്ചെടുക്കാം. ഇത് മാറ്റിവച്ചതിന് ശേഷം ഒരു പാത്രത്തിൽ പുഴുങ്ങി പൊടിച്ചു വച്ച ഉരുളക്കിഴങ്ങ് ചേർത്ത് കൊടുക്കാം. 
• ഇതിൽ പൊടിച്ചു വച്ച ചൗവ്വരിയും മൈദയും പച്ചമുളകും നാരങ്ങാനീരും ചതച്ചമുളകും മല്ലിയിലയും ജീരകവും ഉപ്പും ചേർത്ത് കുഴച്ചെടുക്കാം. 
• കുഴച്ചെടുത്ത മാവ് ഒരു സേവനാഴിയിലൂടെ ഓയിലിൽ ഇട്ട് വറുത്തെടുക്കാം.

English Summary : Murukku Snack Recipe.