വളരെക്കുറച്ച് ചേരുവകൾ കൊണ്ടൊരു സിംപിൾ ചിക്കൻ കറി

സങ്കീർണ്ണതകൾ ഒട്ടും ഇല്ലാതെ, വളരെ കുറച്ച് ചേരുവകൾ കൊണ്ടു രുചികരമായ ചിക്കൻ കറി തയാറാക്കാം.

ചേരുവകൾ

• ചിക്കൻ – 2 കിലോഗ്രാം
• സവാള – 4 
• തക്കാളി – 3
• ഇഞ്ചി വെളുത്തുള്ളി ചതച്ചത് – ഓരോ സ്പൂൺ
• പച്ചമുളക് – 2 എണ്ണം

• മുളകുപൊടി – 2 ടീസ്പൂൺ
• മല്ലിപ്പൊടി – 2 ടീസ്പൂൺ
• ചിക്കൻ കറിമസാല – – 2 ടീസ്പൂൺ
• മഞ്ഞൾപ്പൊടി – 1/2  ടീസ്പൂൺ

തയാറാക്കുന്ന വിധം

• ഫ്രൈയിങ് പാൻ ചൂടാക്കി എണ്ണയൊഴിച്ച് സവാള ഉപ്പ് ചേർത്ത് വഴറ്റുക. 
• ഇതിലേക്ക് ഇഞ്ചി വെളുത്തുള്ളി ചതച്ചത് ചേർത്ത് വഴറ്റി, പച്ചമണം മാറിയ ശേഷം കറിമസാലകൾ ചേർത്ത് കൊടുക്കാം. 
• മസാലപ്പൊടികൾ നന്നായി യോജിപ്പിച്ച ശേഷം തക്കാളി ചേർക്കാം. ആവശ്യത്തിന് ഉപ്പും കുറച്ച് വെള്ളവും ചേർത്ത്  തക്കാളി വേവിച്ച് എടുക്കാം. 
• ഇതിലേക്ക് ചിക്കൻ കഷ്ണങ്ങൾ ചേർത്തു കൊടുക്കാം. അടച്ചു വച്ചു വേവിക്കാം. 
• പച്ചമുളക് നീളത്തിൽ അരിഞ്ഞത് ചേർത്ത് വാങ്ങാം. 

English Summary : The original Kerala style chicken curry.