ചെറുപയറു കൊണ്ടൊരു സൂപ്പർ പലഹാരം

ചെറുപയർ പരിപ്പ് കൊണ്ട് ഉണ്ടാക്കാവുന്ന രുചികരമായ ഒരു നാലുമണി പലഹാരം.

ചേരുവകൾ

• ചെറുപയർ പരിപ്പ് - 1 കപ്പ്
• സവാള -  1 (നീളത്തിൽ അരിഞ്ഞത്)
• പച്ചമുളക് - 2 (അരിഞ്ഞത്)
• വെളുത്തുള്ളി - 4 അല്ലി
• ഇഞ്ചി  - 1 ഇഞ്ച് കഷണം
• മല്ലിയില - 2 ടേബിൾസ്പൂൺ (അരിഞ്ഞത്)
• മല്ലി - 1 ടേബിൾ സ്പൂൺ
• കുരുമുളക് - 1ടീസ്പൂൺ
• പെരുംജീരകം - 1 ടീസ്പൂൺ
• ഉപ്പ്  - പാകത്തിന്
• എണ്ണ  - വറുക്കാൻ ആവശ്യത്തിന്

തയാറാക്കുന്ന വിധം

• പരിപ്പ് നല്ലതുപോലെ കഴുകിയശേഷം  ഏകദേശം 4 മണിക്കൂർ കുതിർക്കാൻ വയ്ക്കുക.
• വെള്ളം നല്ലതുപോലെ ഊറ്റിയശേഷം ഒരു മിക്സിയുടെ ജാറിൽ പരിപ്പ്,  ഇഞ്ചി, വെളുത്തുള്ളി എന്നിവ ചേർത്ത് തരുതരുപ്പായി അരച്ചെടുക്കുക.
• അരച്ച മാവ് ഒരു മിക്സിങ് ബൗളിലേക്ക് മാറ്റിയശേഷം 2 - 3 മിനിറ്റ് നല്ലതുപോലെ അടിച്ചെടുക്കുക.
• മാവിൽ ചതച്ച (മല്ലി, കുരുമുളക്, പെരുംജീരകം) പാകത്തിന് ഉപ്പ് എന്നിവ ചേർത്ത് നല്ലതുപോലെ യോജിപ്പിക്കുക.
• ശേഷം സവാളയും പച്ചമുളകും മല്ലിയിലയും ചേർത്ത് ഇളക്കുക.
• ഒരു ഫ്രൈയിങ് പാനിൽ എണ്ണ ചൂടാക്കി  കുറേശ്ശെ മാവ് എണ്ണയിലിട്ട് ഗോൾഡൻ ബ്രൗൺ ആകുന്നതുവരെ മീഡിയം തീയിൽ വറുത്തെടുക്കുക. നല്ല ക്രിസ്പി ആയ  ബജി തയാർ.

English Summary : Moong Dal Bhajiya