തക്കാളി ചേർത്ത് തയാറാക്കിയ ഒരു ടേസ്റ്റി ഉപ്പുമാവ്
Mail This Article
×
വളരെ എളുപ്പത്തിൽ തയാറാക്കാം എല്ലാവർക്കും ഇഷ്ടപ്പെട്ട ടൊമാറ്റോ ഉപ്പുമാവ്...
ചേരുവകൾ :
- റവ - 1 കപ്പ്
- തക്കാളി - 3 (ചെറുതായി അരിഞ്ഞത്)
- സവാള - 1 (ചെറുതായി അരിഞ്ഞത്)
- പച്ചമുളക് - 2 (ചെറുതായി അരിഞ്ഞത്)
- ഇഞ്ചി - 1 ടീസ്പൂൺ (ചെറുതായി അരിഞ്ഞത്)
- കശുവണ്ടി - 6 (പിളർന്നത്)
- കപ്പലണ്ടി - 1 ടേബിൾസ്പൂൺ
- കടലപ്പരിപ്പ് - 1 ടീസ്പൂൺ
- ഉഴുന്ന് പരിപ്പ് - 1 ടീസ്പൂൺ
- കായം - ഒരു നുള്ള്
- കടുക് - 1/2 ടീസ്പൂൺ
- വറ്റൽ മുളക് - 2
- മുളകുപൊടി - 1/4 ടീസ്പൂൺ
- മഞ്ഞൾപ്പൊടി - 1/4 ടീസ്പൂൺ
- കറിവേപ്പില - ഒരു തണ്ട്
- മല്ലിയില - 1 ടേബിൾസ്പൂൺ (ചെറുതായി അരിഞ്ഞത്)
- ഉപ്പ് - പാകത്തിന്
- എണ്ണ - 2 ടേബിൾസ്പൂൺ
- നെയ്യ് - 1 ടീസ്പൂൺ
- വെള്ളം - 2 1/2 കപ്പ്
തയാറാക്കുന്ന വിധം
- ഒരു പാൻ ചൂടാക്കി റവ നല്ല മണം വരുന്നതുവരെ ഇളം തീയിൽ വറുത്ത് ഒരു പാത്രത്തിലേക്ക് മാറ്റുക.
- പാനിൽ 2 ടേബിൾ സ്പൂൺ എണ്ണ ചൂടാക്കുക. കപ്പലണ്ടി, കശുവണ്ടി എന്നിവ വെവ്വേറെ വറുത്ത് മാറ്റുക.
- ശേഷം കടുക് പൊട്ടിച്ച ശേഷം കടലപ്പരിപ്പും ഉഴുന്നുപരിപ്പും നല്ലതുപോലെ മൂപ്പിക്കുക.
- കായവും വറ്റൽമുളകും ചേർക്കുക.
- സവാള, പച്ചമുളക്, ഇഞ്ചി, കറിവേപ്പില എന്നിവ ചേർത്ത് വഴറ്റുക.
- തക്കാളി ചേർക്കുക.
- മുളകുപൊടി, മഞ്ഞൾപ്പൊടി, ഉപ്പ് എന്നിവ ചേർത്ത് തക്കാളി നല്ല സോഫ്റ്റ് ആകുന്നതുവരെ വേവിക്കുക.
- അതിൽ രണ്ടര കപ്പ് വെള്ളം ചേർത്ത് നല്ലതുപോലെ തിളപ്പിക്കുക.
- തീ കുറച്ചശേഷം കുറേശ്ശേ വറുത്ത റവ ചേർത്ത് കട്ടയില്ലാതെ തുടരെ ഇളക്കുക.
- അടച്ചുവച്ച് 3-4 മിനിറ്റ് വേവിക്കുക.
- ശേഷം ഉപ്പുമാവിൽ ഒരു സ്പൂൺ നെയ്യും വറുത്ത നട്സും മല്ലിയിലയും ചേർത്ത് നല്ലതുപോലെ ഇളക്കി യോജിപ്പിക്കുക.
- സ്വാദിഷ്ടമായ തക്കാളി ഉപ്പുമാവ് തയാർ.
English Summary : Tomato upma is tangy, spicy and tasty upma.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.