തട്ടുകടയിലെ ചുവന്ന ചമ്മന്തിയുടെ രുചി രഹസ്യം

തട്ടുകടയിൽ കിട്ടുന്ന അതേ രുചിയിൽ ഇതു വീട്ടിൽ വളരെ എളുപ്പത്തിൽ തയാറാക്കാം. അതും വളരെ കുറച്ച് ചേരുവകൾ ഉപയോഗിച്ച്. 

ചേരുവകൾ 

• തേങ്ങാ - 1/2 മുറി 
• മുളകുപൊടി - 2 ടീസ്പൂൺ
• ഇഞ്ചി - 1 ടീസ്പൂൺ 
• ചെറിയുള്ളി - 3 എണ്ണം 
• വെള്ളം - 1/2 കപ്പ് 

താളിക്കാൻ 

കടുക്, വെളിച്ചെണ്ണ, ചെറിയ ഉള്ളി, കറിവേപ്പില, വറ്റൽമുളക്. 

പാകം ചെയ്യുന്ന വിധം 

ഒരു ഫ്രൈയിങ് പാൻ അടുപ്പിൽവച്ച് 2 ടീസ്പൂൺ മുളകുപൊടി ചെറുതായി വറത്ത് എടുക്കുക. ( തീ വളരെ കുറച്ചു വച്ച് വേണം മുളകുപൊടി മൂപ്പിച്ച് എടുക്കാൻ). തീ ഓഫ് ചെയ്തതിനു ശേഷം മറ്റൊരു പാത്രത്തിലേക്ക് മാറ്റി വയ്ക്കുക. 

ശേഷം 1/2 മുറി തേങ്ങാ, ഇഞ്ചി, ചെറിയുള്ളി എന്നിവ മൂപ്പിച്ച മുളകുപൊടി ചേർത്ത് നന്നായി അരച്ച് എടുക്കുക. 

ഇനി ഇതിലേക്ക് താളിച്ചു ചേർക്കാം. 

ആവശ്യത്തിന് വെളിച്ചെണ്ണ ഒഴിച്ചു കടുക്, കറിവേപ്പില, ചെറിയ ഉള്ളി, വറ്റൽമുളക് എന്നിവ മൂപ്പിക്കുക. ഇതിലേക്ക് അരച്ചു വച്ച തേങ്ങാക്കൂട്ടും 1/2 കപ്പ് വെള്ളവും ചേർത്ത് ചെറുതായി തിളപ്പിക്കുക. 

സ്വാദിഷ്ടമായ ചുവന്ന ചമ്മന്തി റെഡി. 

അതും തട്ടുകടയിൽ കിട്ടുന്ന അതേ രുചിയിൽ !

English Summary :  Red Chutney for Dosa and Idli.