പ്രഭാത ഭക്ഷണത്തിന് ഒരുക്കാം പഞ്ഞിപോലത്തെ അപ്പം

നല്ല സോഫ്റ്റ് വെള്ളയപ്പം വളരെ രുചികരമായി തയാറാക്കാം.

ചേരുവകൾ

• പച്ചരി - 2 കപ്പ്
• യീസ്റ്റ് - 1/2 ടീസ്പൂൺ
• പഞ്ചസാര - 1/3 കപ്പ്
• തേങ്ങ - 2 കപ്പ്
• ചെറിയഉള്ളി - 2
• ജീരകം - 1/4 ടീസ്പൂൺ
• ഉപ്പ് - 1/4 ടീസ്പൂൺ
• വെള്ളം, പാൽ – ആവശ്യത്തിന്

തയാറാക്കുന്ന വിധം

• അരി 4 മണിക്കൂർ വെള്ളത്തിൽ ഇട്ട് കുതിർത്ത് എടുക്കണം. 
• ഇതിൽ നിന്നും  പകുതിയെടുത്തു ഗ്രൈന്ററിൽ വെള്ളമൊഴിച്ചു അരയ്ക്കുക. 
• അതിൽ 3/4 കപ്പ് എടുത്തു കപ്പികാച്ചാൻ മാറ്റിവയ്ക്കുക. അതിൽ വെള്ളം ചേർത്ത് മീഡിയം തീയിൽ  കുറുക്കിയെടുത്തു തണുക്കാൻ വയ്ക്കുക                  
• ഗ്രൈന്ററിൽ  ബാക്കി  അരിയിൽ യീസ്റ്റും പഞ്ചസാരയും ചേർത്ത്  അരച്ച് മാറ്റി വയ്ക്കുക .
• ഗ്രൈന്ററിൽ തേങ്ങയും ഉള്ളിയും ജീരകവും വെള്ളം ചേർത്ത് അരയ്ക്കുക.  ഇതിൽ കാപ്പി കാച്ചിയത് കൂടെ ചേർത്തരച്ചെടുക്കുക. 
• ഇത് അരച്ച അരിയുമായി യോജിപ്പിച്ചു  5-6 മണിക്കൂർ  പൊങ്ങാൻ വയ്ക്കുക.  
• പൊങ്ങിയ മാവ് മീഡിയം ചൂടിൽ പാനിൽ 1 സ്പൂൺ നിറയെ വട്ടത്തിൽ ഒഴിച്ചു രണ്ടു വശവും ചുട്ടെടുക്കുക.

English Summary : Vellayappam Breakfast Recipe.