കഞ്ഞിയുടെ കൂടെ കഴിക്കാൻ ഒരു കിടിലൻ ഉള്ളി ഉപ്പിലിട്ടത്

നെല്ലിക്ക, മാങ്ങാ, നാരങ്ങ എന്നവ ഉപ്പിലിട്ട് തയാറാക്കുന്നതു പോലെ രുചികരമായൊരു ഉള്ളി ഉപ്പിലിട്ടത്. ചോറിനും കഞ്ഞിക്കുമൊപ്പം കൂട്ടാം.

ചേരുവകൾ

1. ചെറിയ ഉള്ളി - 20 – 30 എണ്ണം
2. ബീറ്റ്റൂട്ട് - 1 എണ്ണം
3. പച്ചമുളക് - 4 എണ്ണം
4. കാന്താരി മുളക് - കുറച്ച്
5. പട്ട - 2 കഷ്ണം
6. ഗ്രാമ്പൂ - 4 എണ്ണം
7. കുരുമുളക് - 1 ടീസ്പൂൺ
8. പഞ്ചസാര - 1 ടീസ്പൂൺ
9. ഉപ്പ് - 2 ടേബിൾ സ്പൂൺ
10. വിനാഗിരി - 2 ടേബിൾ സ്പൂൺ (നിർബന്ധമില്ല )
11. കറിവേപ്പില - കുറച്ച്
12. ചൂട് വെള്ളം

തയാറാക്കുന്ന വിധം

• ചെറിയ ഉള്ളി തൊലി കളഞ്ഞു കഴുകി വയ്ക്കുക.
• ബീറ്റ്റൂട്ട് നന്നായി കഴുകി തൊലി കളഞ്ഞു ചെറുതാക്കി നുറുക്കുക.
• ഒരു ഗ്ലാസ്‌ കുപ്പി അല്ലെങ്കിൽ ഭരണി നന്നായി കഴുകി തുടച്ചു (ഒട്ടും വെള്ളം ഇല്ലാതെ വയ്ക്കുക) അതിലേക്കു പട്ട, ഗ്രാമ്പൂ, കുരുമുളക് എന്നിവ ഇടുക.
• അതിനു മുകളിൽ ബീറ്റ്റൂട്ട് ഇടുക. അതിനു ശേഷം ചെറിയ ഉള്ളി ഇടുക. അതിലേക്കു പഞ്ചസാര, ഉപ്പ് എന്നിവ ഇട്ട് ഉള്ളിയുടെ ഒപ്പം നിൽക്കുന്നതു  വരെ ചൂട് വെള്ളം ഒഴിക്കുക. 
• അതിലേക്കു വിനാഗിരി ചേർത്ത് ഇളക്കുക. 
• അവസാനം പച്ചമുളക്, കാന്താരിമുളക്, കറിവേപ്പില എന്നിവ ഇട്ട് ഇളക്കി മുറുക്കി അടയ്ക്കുക. എന്നിട്ട് നന്നായി കുലുക്കുക. കുറച്ചു ദിവസം മാറ്റി വച്ച ശേഷം ഉപയോഗിക്കാം.

English Summary : Instant onion pickle.