എളുപ്പത്തിൽ ഒരുക്കാം കുക്കുമ്പർ പച്ചടി

വളരെ എളുപ്പത്തിൽ തയാറാക്കാവുന്ന പച്ചടി,ഊണിനു രുചി കൂട്ടും സംശയമില്ല. 

ചേരുവകൾ

• കുക്കുമ്പർ - 2  തൊലി കളയുക അതിനുശേഷം ചെറുതായി മുറിക്കുക... 
• തേങ്ങ  - 3/4 കപ്പ്
• തൈര്  - 3/4 കപ്പ്
• പച്ചമുളക് - 1 അല്ലെങ്കിൽ 2
• കടുക് - 1 ടീസ്പൂൺ +1/2 ടീസ്പൂൺ
• വെളിച്ചെണ്ണ - 1 ടേബിൾ സ്പൂൺ
• ചുവന്ന മുളക് മുഴുവൻ - 3
• ഉപ്പ് 
• കറിവേപ്പില

തയാറാക്കുന്ന വിധം

• കുക്കുമ്പർ ഒരു പാത്രത്തിൽ അരിഞ്ഞ് ഇടുക.
• പച്ചമുളകും തൈരും ചേർത്ത് തേങ്ങ അരയ്ക്കുക.
• തേങ്ങ മിശ്രിതത്തിലേക്ക് 1 ടീസ്പൂൺ കടുക് ചേർത്ത് ഒന്ന് രണ്ട് തവണ പൾസ് ചെയ്തു എടുക്കുക.
• ഇത് കുക്കുമ്പറിലേക്കു ചേർക്കുക 
• ഉപ്പ് ചേർക്കുക.
• നന്നായി യോജിപ്പിക്കുക.
• ഒരു ഫ്രൈയിങ് പാൻ ചൂടാക്കി 1 ടേബിൾ സ്പൂൺ വെളിച്ചെണ്ണ  ചേർക്കുക. വെളിച്ചെണ്ണ ചൂടാകുമ്പോൾ കടുക്, ചുവന്ന മുളക് എന്നിവ ചേർക്കുക, തുടർന്ന് കറിവേപ്പില ചേർക്കുക. 
• ഇത് കുക്കുമ്പർ തേങ്ങ മിശ്രിതത്തിൽ ചേർക്കുക. രുചികരമായ കുക്കുമ്പർ പച്ചടി തയാർ.

English Summary : Easy Cucumber Pachadi.