ഉള്ളു  കുളിർപ്പിക്കാൻ കാരറ്റ് ജ്യൂസ്

പോഷകഗുണങ്ങൾ ധാരാളമുള്ള കാരറ്റ് ജ്യൂസ് വളരെ എളുപ്പത്തിൽ തയാറാക്കാം.

ചേരുവകൾ 

• കാരറ്റ് - 2 എണ്ണം 
• ഇഞ്ചി - ഒരു ചെറിയ കഷ്ണം 
• ചെറുനാരങ്ങ -  2 എണ്ണം 
• കസ്‌കസ് / ബേസിൽ സീഡ്‌സ്  - 1 ½ ടീസ്പൂൺ 
• തണുത്ത വെള്ളം - 2 കപ്പ് 
• ഐസ് ക്യൂബ്സ് 
• പഞ്ചസാര 

തയാറാക്കുന്ന വിധം 

• ഒരു ചെറിയ ബൗളിലേക്കു കസ്‌കസും കുറച്ചു വെള്ളവും ചേർത്ത് മിക്സ് ചെയ്തു വയ്ക്കുക. 
• കാരറ്റ് തൊലികളഞ്ഞു വൃത്തിയാക്കി ചെറുതാക്കി മുറിച്ചെടുക്കുക. 
• ഒരു മിക്സിയുടെ ജാറിലേക്കു കാരറ്റും ഇഞ്ചിയും ചേർത്ത് ഒന്ന് അടിച്ചെടുക്കുക. 
• ശേഷം കാരറ്റിലേക്കു നാരങ്ങാ നീര്, പഞ്ചസാര, ഐസ് ക്യൂബ്സ്, തണുത്ത വെള്ളം എന്നിവ ചേർത്ത് നന്നായി അടിച്ചെടുക്കുക. 
• ഇനി ജ്യൂസ് അരിച്ചെടുക്കാം. ശേഷം ജ്യൂസിലേക്കു കുതിർത്തു വച്ച കസ്‌കസ് ചേർത്ത് യോജിപ്പിക്കുക. നല്ല സൂപ്പർ കൂൾ കാരറ്റ് ജ്യൂസ് റെഡി. 

English Summary : Summer Special Cool Carrot Juice.