ദോശ, ഇഡ്ഡലി, ചോറ്‌ എല്ലാത്തിനും ഈ ഒരു തക്കാളി ചമ്മന്തി മതി

തക്കാളി ചമ്മന്തി രുചികരമായി തയാറാക്കുന്നത് എങ്ങനെയെന്നു നോക്കാം.

ചേരുവകൾ

• സവാള – 3
• തക്കാളി – 4
• ജീരകം – 1 ടീസ്പൂൺ
• കടുക് – 1 ടീസ്പൂൺ
• കായത്തിന്റെ പൊടി – 1/4 ടീസ്പൂൺ
• മഞ്ഞൾപ്പൊടി –  1/2 ടീസ്പൂൺ
• മുളകുപൊടി – 1 ടീസ്പൂൺ
• കാശ്മീരി മുളകുപൊടി – 1/2 ടീസ്പൂൺ
• പച്ചമുളക് – 4
• ഇഞ്ചി – ഒരു വലിയ കഷ്ണം
• ഉപ്പ് – പാകത്തിന്
• എണ്ണ – 2 ടേബിൾ സ്പൂൺ

തയാറാക്കുന്ന വിധം

• ഒരു ഫ്രൈയിങ് പാനിൽ എണ്ണ ഒഴിച്ച് ചൂടാകുമ്പോൾ ജീരകം ഇടുക. പൊട്ടിയതിനു ശേഷം കടുക് ചേർക്കുക.
• ഇഞ്ചി, പച്ചമുളക് എന്നിവ ചേർത്തു വാടി വരുമ്പോൾ സവാള ചേർക്കുക. 
• സവാള വഴന്നു വരുമ്പോൾ തക്കാളി ചേർക്കുക.
• അതിനു ശേഷം പൊടികൾ എല്ലാം ചേർത്ത് നന്നായി വഴന്നു വന്നതിനു ശേഷം ഓഫ്‌ ചെയ്ത് തണുത്തതിനു ശേഷം അരച്ചെടുത്താൽ തക്കാളി ചട്നി തയാർ.

English Summary : Tomato chutney, best combination for dosa,idli and rice.