ഈ അവിയൽ തയാറാക്കാൻ രണ്ട് പച്ചക്കറികൾ മാത്രം മതി

HIGHLIGHTS
  • രണ്ടു പച്ചക്കറികൾ മാത്രം മതി രുചികരമായ അവിയൽ തയാറാക്കാം
easy-avial
SHARE

സദ്യയിൽ ഏറെ രുചികരമായ ഒരു വിഭവമാണ് അവിയൽ. ധാരാളം പച്ചക്കറികൾ ചേർത്താണ് അവിയൽ തയാറാക്കുന്നത്. എല്ലാ പച്ചക്കറികളും ഇല്ലെങ്കിലും രണ്ടു പച്ചക്കറികൾ മാത്രം ചേർത്തു രുചികരമായ അവിയൽ തയാറാക്കാം.

ചേരുവകൾ

  • ചേന നീളത്തിലരിഞ്ഞത് - 2 കപ്പ്
  • മുരിങ്ങക്ക - 2
  • പച്ചമാങ്ങ - ഒരു ചെറിയ കഷ്ണം (പകരം തൈര് ചേർക്കാം)
  • പച്ചമുളക് - 5
  • മഞ്ഞൾപ്പൊടി - അര ടീസ്പൂൺ
  • ഉപ്പ് - ആവശ്യത്തിന്
  • തേങ്ങ ചിരകിയത് - 2 കപ്പ്
  • ജീരകം - ഒരു ടീസ്പൂൺ
  • ചുവന്നുള്ളി - 4 എണ്ണം
  • കറിവേപ്പില 
  • വെളിച്ചെണ്ണ - ഒരു ടേബിൾ സ്പൂൺ

തയാറാക്കുന്ന വിധം

ഒരു മൺചട്ടിയിൽ നീളത്തിൽ അരിഞ്ഞ ചേന, മുരിങ്ങക്ക, പച്ചമുളക്, പച്ചമാങ്ങ, മഞ്ഞൾപ്പൊടി, ഉപ്പ്, ആവശ്യത്തിന് വെള്ളം ഇവ ചേർത്ത് യോജിപ്പിക്കുക.

അടച്ച് 10 മുതൽ 15 മിനിറ്റു വരെ വേവിക്കുക.(പച്ചമാങ്ങ ഇല്ലെങ്കിൽ ഏറ്റവുമൊടുവിൽ അൽപം തൈര് ചേർത്താൽ മതി)

തേങ്ങ, ജീരകം, ചുവന്നുള്ളി, ഒരു തണ്ട് കറിവേപ്പില ഇവ മിക്സിയിൽ ചതച്ചെടുക്കുക.

ചേന വെന്തുകഴിയുമ്പോൾ ഈ അരപ്പ് ചേർത്തു യോജിപ്പിക്കുക.

അരപ്പിന്റെ പച്ചമണം മാറുന്നതിനായി വീണ്ടും അടച്ചു വച്ച് 5 മിനിറ്റു കൂടി ചെറിയ തീയിൽ വേവിക്കുക .

തീ ഓഫ് ചെയ്ത ശേഷം ഒരു ടേബിൾ സ്പൂൺ വെളിച്ചെണ്ണ ചേർത്ത് ഇളക്കി അടച്ചു വയ്ക്കുക.

English Summary : The star dish of every Kerala sadya, the avial can be made with different vegetables.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

സംസ്ഥാന പുരസ്കാര ജേതാവാണ് പുഴുവിലെ കുട്ടിത്താരം | Puzhu | Mammootty | Vasudev Sajeesh

MORE VIDEOS
FROM ONMANORAMA