ഒരു ഇറ്റാലിയന്‍ രുചിവിസ്മയം : സ്പെഗറ്റിയും മീറ്റ്ബോള്‍സും!

HIGHLIGHTS
  • മീറ്റ് ബോള്‍സ് ചേര്‍ത്ത സൂപ്പര്‍ ഇറ്റാലിയന്‍ രുചി.
spaghetti
SHARE

കുട്ടികള്‍ക്ക് ഏറെ ഇഷ്ടമുള്ള ഒരു വിഭവമാണ്‌ നൂഡില്‍സ് പോലെയിരിക്കുന്ന സ്പെഗറ്റി. ഇത് കഴിക്കാന്‍ എപ്പോഴും റസ്റ്ററന്റില്‍ തന്നെ പോകണമെന്നില്ല. ഒന്നു ശ്രമിച്ചാല്‍ വീട്ടിലും തയാറാക്കാം മീറ്റ് ബോള്‍സ് ചേര്‍ത്ത ഈ സൂപ്പര്‍ ഇറ്റാലിയന്‍ രുചി.

ചേരുവകള്‍:
•  സ്പെഗറ്റി - 350 ഗ്രാം
•  വെള്ളം - സ്പെഗറ്റി വേകാന്‍ വേണ്ടത്
•  ഒലീവ് ഓയില്‍ - 2 ടേബിള്‍ സ്പൂണ്‍
•  ബീഫ് - 1/2 കിലോ
•  മോസെറല്ല ചീസ് -3/4 കപ്പ്
•  ബ്രഡ് പൊടിച്ചത് - 3/4 കപ്പ്
•  സവാള പൊടിയായി അരിഞ്ഞത് - 1/2 കപ്പ്
•  പാഴ്‌സലി ഇല അരിഞ്ഞത് - 1/2 കപ്പ്
•  കുരുമുളകു പൊടി - 1/2 ടീസ്പൂണ്‍
•  ഒറിഗാനൊ - 1/2 ടീസ്പൂണ്‍
•  മുട്ട - 1 എണ്ണം
•  ഉപ്പ് - ആവശ്യത്തിന്‌
•  ഓയില്‍ - 1/4 കപ്പ്

സോസ് തയാറാക്കാന്‍:
•  ഒലീവ് ഓയില്‍ - 2 ടേബിള്‍ സ്പൂണ്‍
•  സവാള - 3/4 കപ്പ്
•  വെളുത്തുള്ളി - 2 ചെറുത്
•  തക്കാളി - 3 എണ്ണം
•  പച്ചമുളക് - 2 എണ്ണം
•  ടുമാറ്റൊ പേസ്റ്റ്‌ - 1 ടേബിള്‍ സ്പൂണ്‍(ഇഷ്ടമുണ്ടെങ്കില്‍)
•  പാഴ്‌സലി ഇല അരിഞ്ഞത് - 1/2 കപ്പ്
•  കുരുമുളക് പൊടി - 1/2 ടീസ്പൂണ്‍
•  ഒറീഗാനൊ - 1/2 ടീസ്പൂണ്‍
•  ഉപ്പ് - ആവശ്യത്തിന്‌

തയാറാക്കുന്ന വിധം:

•  ബീഫ് നന്നായി കഴുകി വെള്ളമെല്ലാം വാര്‍ന്നതിന്‌ ശേഷം ഉപ്പ് ചേര്‍ത്ത് ഒരു വിസില്‍ വേവിച്ച് ചൂടാറുമ്പോള്‍ മിന്‍സ് ചെയ്തെടുക്കുക.

•  ഇതിലേക്ക് മോസറെല്ല ചീസ്, ബ്രഡ് പൊടിച്ചത്, സവാള പൊടിയായി അരിഞ്ഞത്, പാഴ്‌സലി ഇല അരിഞ്ഞത്, കുരുമുളകുപൊടി, ഒറീഗാനൊ, മുട്ട, ഉപ്പ് എന്നിവ ചേര്‍ത്ത് കുഴച്ച് മീറ്റ്ബോള്‍സ് തയാറാക്കാം.

•  അടുത്തതായി ഉപ്പും ഓയിലും ചേര്‍ത്തു തിളച്ച വെള്ളത്തില്‍ സ്പെഗറ്റി വേവിക്കുക. വെള്ളം ഊറ്റിക്കളഞ്ഞ് ഒലീവ് ഓയില്‍ ഒഴിച്ച് ഇളക്കി വയ്ക്കുക.

•  തയാറാക്കിയ മീറ്റ്ബോള്‍സ് ചൂടായ ഫ്രൈ പാനില്‍ കുറച്ച് എണ്ണയൊഴിച്ച് എല്ലാ വശവും ഗോള്‍ഡന്‍ നിറമാകുന്നത് വരെ ഷാലൊ ഫ്രൈ ചെയ്തെടുക്കുക.

•  ഇനി സോസ് തയാറാക്കാം. ഒരു പാന്‍ സ്റ്റൗവില്‍ വച്ച് ചൂടാകുമ്പോള്‍ ഒലീവ് ഓയില്‍ ഒഴിച്ച് പൊടിയായി അരിഞ്ഞ സവാളയും വെളുത്തുള്ളിയും ചേര്‍ത്ത് ചെറുതായി ബ്രൗണ്‍ നിറമാകുന്നത് വരെ വഴറ്റുക. അതിനുശേഷം ഇതിലേക്ക് മിക്സിയില്‍ അടിച്ചെടുത്ത തക്കാളിയും പച്ചമുളകും ചേര്‍ത്ത് 1/2 മിനിറ്റ് കൂടി വഴറ്റി, 5 മിനിറ്റ് ചെറിയ തീയില്‍ അടച്ചു വച്ച് വേവിക്കുക. ഇനി ഇതിലേക്ക് ഉപ്പും റ്റൊമാറ്റോ പേസ്റ്റും കുരുമുളക് പൊടിയും ഒറീഗാനൊയും പാഴ്‌സലി ഇല അരിഞ്ഞതും ചേര്‍ത്ത് വഴറ്റി സ്റ്റൗ ഓഫ് ചെയ്യാം.

•  വിളമ്പുന്ന സമയത്ത് ആദ്യം സ്പെഗറ്റിയിലേക്ക് തയാറാക്കിയ സോസ്  കുറച്ച് ചേര്‍ത്ത് മിക്സ് ചെയ്തെടുക്കുക. ഇനി ഇതിന്‌ മുകളിലേക്ക് സോസുമായി മിക്സ് ചെയ്ത 2-3 മീറ്റ്ബോള്‍സും കുറച്ച് സോസും വച്ച് കൊടുക്കാം. പാഴ്‌സലി ഇല അരിഞ്ഞത് വച്ച് അലങ്കരിക്കാം.

സൂപ്പര്‍ ടേസ്റ്റിയായ സ്പെഗറ്റിയും മീറ്റ്ബോള്‍സും റെഡി!

English Summary : Spaghetti with meatballs, pasta recipes.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

2022 ജൂലൈ മാസഫലം | July Monthly Prediction 2022 | Monthly Horoscope Malayalam | Malayalam Astrology

MORE VIDEOS
FROM ONMANORAMA