സ്വാദിഷ്ടമായ സാൻവിച്ച്, കുട്ടികൾക്കും മുതിർന്നവർക്കും ഇഷ്ടപ്പെടും രുചിയിൽ

സ്വാദിഷ്ടമായ ഒരു സാൻവിച്ച്, റിബൺ സാൻവിച്ച് അഥവാ റെയിൻബോ സാൻവിച്ച്, കുട്ടികൾക്കും മുതിർന്നവർക്കും ഇഷ്ടപ്പെടും രുചി.

ചേരുവകൾ:
ബ്രഡ് കഷ്ണങ്ങൾ - 8
ബട്ടർ - ആവശ്യത്തിന്

ഗ്രീൻ ചട്നി:
ചേരുവകൾ:
ചിരകിയ തേങ്ങ - 1/2 കപ്പ്
മല്ലിയില - 1/2 കപ്പ്
പച്ചമുളക് - 2
വെളുത്തുള്ളി - 2 അല്ലി
നാരങ്ങാനീര് - 1 ടീ സ്പൂൺ
വെള്ളം - 2 ടേബിൾ സ്പൂൺ
ഉപ്പ് - പാകത്തിന്

കാരറ്റ് സ്പ്രെഡ്
ചേരുവകൾ:
കാരറ്റ് - 1
ചീസ് സ്പ്രെഡ് - 1 ടേബിൾ സ്പൂൺ
കുരുമുളകുപൊടി - 1/8 ടീ സ്പൂൺ
ഉപ്പ് - പാകത്തിന്

ബീറ്റ്റൂട്ട് സ്പ്രെഡ്
ചേരുവകൾ:
ബീറ്റ്റൂട്ട് - 1
പച്ചമുളക് - 1
ഉപ്പ് - പാകത്തിന്
ചീസ് സ്പ്രെഡ് - 1 ടേബിൾ സ്പൂൺ

തയാറാക്കുന്ന വിധം:

• കാരറ്റ്, ബീറ്റ്റൂട്ട് എന്നിവ ആവിയിൽ  വേവിച്ചശേഷം തണുക്കാൻ വയ്ക്കുക.
• ഗ്രീൻ ചട്നിക്ക് ആവശ്യമായ ചേരുവകൾ ചേർത്ത് നല്ലതുപോലെ അരച്ച് മാറ്റിവയ്ക്കുക.
• ആവിയിൽ വേവിച്ച കാരറ്റ്  മിക്സിയുടെ ജാറിൽ ഇട്ട് അരച്ചെടുക്കുക.
• ശേഷം ഒരു പാത്രത്തിലേക്കു മാറ്റി   കുരുമുളകുപൊടി, പാകത്തിന് ഉപ്പ്,  ചീസ് സ്പ്രെഡ്  എന്നിവ ചേർത്തു നല്ലതുപോലെ യോജിപ്പിച്ച് വയ്ക്കുക.
• വേവിച്ച ബീറ്റ്റൂട്ട് , പച്ചമുളക്, ഉപ്പ് എന്നിവ ചേർത്ത് നല്ലതുപോലെ അരച്ച ശേഷം ഒരു പാത്രത്തിലേക്കു മാറ്റുക.
• ഒരു ടേബിൾ സ്പൂൺ  ചീസ് സ്പ്രെഡ് ചേർത്തു നല്ലതുപോലെ യോജിപ്പിച്ച് വയ്ക്കുക.
• 4 ബ്രഡ് കഷ്ണങ്ങൾ എടുക്കുക, മൂന്നെണ്ണത്തിൽ ബട്ടർ പുരട്ടി വയ്ക്കുക.
• ബട്ടർ പുരട്ടാത്ത ബ്രഡ് കഷ്ണത്തിൽ ആവശ്യത്തിന് ഗ്രീൻ ചട്നി തേയ്ക്കാം.
• ബട്ടർ തേച്ച  ബ്രഡ് കൊണ്ട് അടയ്ക്കുക.
• അതിനു മുകളിലായി കാരറ്റ് സ്പ്രെഡ് ചേർക്കുക.
• വീണ്ടും ബട്ടർ ചേർത്ത ബ്രഡ് കൊണ്ട് അടയ്ക്കുക.
• അതിനുമുകളിലായി ബീറ്റ്റൂട്ട് സ്പ്രെഡ് ചേർത്ത ശേഷം 
• ബട്ടർ പുരട്ടിയ  സ്ലൈസ് കൊണ്ട് അടയ്ക്കുക.
• ബ്രഡിന്റെ അരിക്  മുറിച്ചശേഷം സാൻവിച്ച് ഇഷ്ടമുള്ള   ആകൃതിയിൽ മുറിച്ചെടുക്കാം.

English Summary : Carrots are storehouses of vitamins, minerals, and fibres as well.