ഗുണങ്ങൾ ഏറെയുള്ള എ ബി സി ജ്യൂസ്, ഒരു ഗ്ലാസിൽ കൂടുതൽ വേണ്ട!

വൈറ്റമിൻസ് ധാരാളം അടങ്ങിയ ഹെൽത്തി ജ്യൂസ്, ഉയർന്ന രക്തസമ്മർദ്ദം കുറയ്ക്കാൻ വളരെ നല്ലതാണ്. വിട്ടിൽ എളുപ്പത്തിൽ തയാറാക്കാം. ദിവസവും ഒരു ഗ്ലാസിൽ കൂടുതൽ കുടിക്കാതിരിക്കാൻ ശ്രദ്ധിക്കണം.

ചേരുവകൾ 

• ആപ്പിൾ  - 1 
• ബീറ്റ്റൂട്ട്  - ഒന്നിന്റെ പകുതി 
• കാരറ്റ്  - 1 
• തേൻ 
• തണുത്ത വെള്ളം 

തയാറാക്കുന്ന വിധം 

• ആപ്പിൾ, ബീറ്റ്റൂട്ട്, കാരറ്റ്  എന്നിവ കഴുകി തൊലി കളഞ്ഞു ചെറിയ കഷ്ണങ്ങളാക്കി മുറിച്ചെടുക്കുക.
• ഒരു മിക്സിയുടെ ജാറിലേക്കു  മുറിച്ചെടുത്ത ആപ്പിൾ, ബീറ്റ്റൂട്ട്, കാരറ്റ് എന്നിവയും മധുരത്തിനാവശ്യമായ  തേനും വെള്ളവും കൂടി ചേർത്ത് നന്നായി അടിച്ചെടുക്കുക. ഹെൽത്തി  എ ബി സി ജ്യൂസ് തയാർ.

ശ്രദ്ധിക്കാൻ

ചെറിയൊരു ഇഞ്ചി കഷ്ണം കൂടി ചേർത്ത് അടിച്ചെടുത്താൽ ഗ്യാസ് ട്രബിളിന്റെ പ്രശ്നങ്ങൾ ഒഴിവാക്കാം.

English Summary : A miracle drink to enhance skin complexion, reduce wrinkles...etc.