ഫലാഫൽ, പ്രൊട്ടീൻ സമ്പുഷ്ടമായ പലഹാരം
Mail This Article
മിഡിൽ ഈസ്റ്റിൽ പ്രശസ്തമായ ഒരു വെജിറ്റേറിയൻ സ്ട്രീറ്റ് ഫുഡാണ് ഫലാഫൽ. നോൺ വെജ് രുചിയുള്ള ഈ പലഹാരം തയാറാക്കുന്നത് വെള്ളക്കടല ചേർത്താണ്. ചായയ്ക്കൊപ്പം സ്നാക്സായി കഴിക്കാനും സോസും പച്ചക്കറികളും ചേർത്തു സാൻവിച്ചാക്കി കഴിക്കാനും വളരെ നല്ലതാണ്. പ്രൊട്ടീൻ സമ്പുഷ്ടമായ ഈ പലഹാരം വീട്ടിൽ തന്നെ കുട്ടികൾക്ക് തയാറാക്കി കൊടുക്കാം.
ചേരുവകൾ
1. വെള്ളക്കടല - ഒരു കപ്പ്
2. സവാള അരിഞ്ഞത് - അര കപ്പ്
3. പാഴ്സലി ഇല / മല്ലിയില അരിഞ്ഞത് - അരക്കപ്പ്
4. വെളുത്തുള്ളി - 4 അല്ലി
5. മഞ്ഞൾ പൊടി - കാൽ ടീ സ്പൂൺ
6. മുളക് പൊടി - അര ടീസ്പൂൺ
7. കുരുമുളക് പൊടി - ഒരു ടീസ്പൂൺ
8. ജീരക പൊടി - കാൽ ടീസ്പൂൺ
9. ഉപ്പ് - ആവശ്യത്തിന്
10. നാരങ്ങാ നീര് - ഒരു മുറി നാരങ്ങയുടെത്
11. ബ്രഡ് പൊടിച്ചത് - അര കപ്പ്
12. ബേക്കിങ് സോഡ - ഒരു നുള്ള്
13. എണ്ണ - വറുക്കാൻ ആവശ്യത്തിന്
തയാറാക്കുന്ന വിധം
- കടല കഴുകി 8 മണിക്കൂർ വെള്ളത്തിൽ കുതിർത്തു വയ്ക്കുക.
- വെള്ളം ഊറ്റിക്കളഞ്ഞ കടലയിലേക്കു 2 മുതൽ 10 വരെയുള്ള ചേരുവകൾ ചേർക്കുക.
- മിക്സിയിൽ ഇട്ട് തരുതരുപ്പായി അരച്ചെടുക്കുക.
- അരച്ച കടലയിൽ അരക്കപ്പ് ബ്രഡ് പൊടിച്ചതും ബേക്കിങ് സോഡയും ചേർത്തു യോജിപ്പിക്കുക. (ബ്രഡ് പൊടിക്കു പകരം രണ്ട് ടേബിൾ സ്പൂൺ മൈദ ചേർത്താലും മതി)
- ഇത് ഒരു മണിക്കൂർ ഫ്രിജിൽ വച്ചതിനു ശേഷം ചെറുനാരങ്ങ വലുപ്പത്തിലുള്ള ഉരുളകളാക്കി ഉരുട്ടിയെടുക്കുക.
- ഒരു ചീന ചട്ടിയിൽ റിഫൈൻഡ് ഓയിൽ ചൂടാക്കി കടല ഉരുളകൾ ബ്രൗൺ നിറത്തിൽ വറുത്തെടുക്കുക.
- രുചികരമായ ഫലാഫൽ തയാർ.
English Summary : Falafel is a deep-fried ball or patty-shaped fritter in Middle Eastern cuisine made from ground chickpeas, broad beans, or both.