പൊട്ടു കടല മുറുക്ക്, ഉഗ്രൻ നാലുമണി പലഹാരം

വൈകിട്ട് ചായയ്ക്കൊപ്പം കൊറിക്കാൻ പൊട്ടു കടല മുറുക്ക് തയാറാക്കുന്നത് എങ്ങനെയെന്നു നോക്കാം.

ചേരുവകൾ

• അരിപ്പൊടി - 2 കപ്പ്‌
• വറുത്തു പൊടിച്ച പൊട്ടുകടല പൊടി - 1/4 കപ്പ്‌
• മുളക് പൊടി - 3 ടീസ്പൂൺ
• കായപ്പൊടി -1/2 ടീസ്പൂൺ
• ജീരകം - 1/2 ടീസ്പൂൺ
• എള്ള് - 1/2 ടീസ്പൂൺ 
• വെണ്ണ - 2 ടേബിൾസ്പൂൺ
• ഉപ്പ് - ആവശ്യത്തിന്
• എണ്ണ – വറക്കുവാൻ ആവശ്യത്തിന് 

തയാറാക്കുന്ന വിധം

• മുകളിൽ പറഞ്ഞിരിക്കുന്ന എല്ലാ ചേരുവകളും ഒരുമിച്ച് യോജിപ്പിച്ച ഇടിയപ്പത്തിന്റെ മാവിന്റെ പരുവത്തിൽ കുഴച്ചെടുക്കുക. 
• എണ്ണ ചൂടാകുമ്പോൾ സേവനാഴിയിൽ സ്റ്റാർ ചില്ലുപയോഗിച്ച് പിഴിയുക. 
• ഇടയ്ക്കിടെ മറിച്ചിടുക. ബ്രൗൺ നിറമാകുമ്പോൾ വാങ്ങി എടുക്കുക. 
• നല്ല സോഫ്റ്റ് ക്രിസ്പി മുറുക്ക് തയാർ.

English Summary : Crispy instant murukku with roasted chana dal.