കൊതിപ്പിക്കുന്ന രുചിയിൽ ആപ്പിൾ ചോക്ലേറ്റ് മൂസ്സ്
Mail This Article
വീട്ടിലെ കുട്ടികുറുമ്പുകളെ സന്തോഷിപ്പിക്കാൻ എളുപ്പത്തിൽ തയാറാക്കി നൽകാം ആപ്പിൾ ചോക്ലേറ്റ് മൂസ്സ്.
ചേരുവകൾ
- വിപ്പിങ് ക്രീം - ½ കപ്പ് + ½ കപ്പ്
- വൈറ്റ് ചോക്ലേറ്റ് - 160 ഗ്രാം
- ആപ്പിൾ കഷ്ണങ്ങളാക്കിയത് - 1 കപ്പ്
- പാൽ - ¼ കപ്പ് + ¾ കപ്പ്
- കോൺഫ്ലോർ - 3 ടേബിൾസ്പൂൺ
- പഞ്ചസാര - 2 ടേബിൾസ്പൂൺ
തയാറാക്കുന്ന വിധം
ഒരു സോസ്പാനിൽ ½ കപ്പ് വിപ്പിങ് ക്രീം ഒഴിച്ച് കുറഞ്ഞ തീയിൽ ചൂടാക്കിയെടുക്കുക (തിളയ്ക്കേണ്ട ആവശ്യമില്ല). ഇത് കഷ്ണങ്ങളാക്കി വച്ചിരിക്കുന്ന വൈറ്റ് ചോക്ലേറ്റിലേക്ക് ഒഴിച്ചുകൊടുക്കണം. ഇനി കുറച്ചുനേരം അനക്കാതെ വച്ചശേഷം പിന്നീട് ഇളക്കി യോജിപ്പിച്ചെടുക്കുക. ഈ ചോക്ലേറ്റ് ഗനാഷെ തണുക്കാനായി മാറ്റിവയ്ക്കുക.
തൊലികളഞ്ഞു കഷ്ണങ്ങളാക്കിയ ആപ്പിൾ മിക്സിയുടെ ജാറിലേക്കിട്ട് ¼ കപ്പ് പാലൊഴിച്ച് നന്നായി അടിച്ചെടുക്കണം. ഇതൊരു പാനിലേക്കൊഴിച്ച് ¾ കപ്പ് പാലും കോൺഫ്ലവറും പഞ്ചസാരയും ചേർത്തു കട്ടകളൊന്നുമില്ലാതെ യോജിപ്പിച്ച ശേഷം കുറഞ്ഞ തീയിൽ വച്ച് ഇളക്കി ചെറുതായി കട്ടിയാകുമ്പോൾ ഇറക്കി വയ്ക്കാം.
ഇത് നന്നായി തണുത്ത് കഴിഞ്ഞാൽ നേരത്തെ തയാറാക്കി വച്ച ചോക്ലേറ്റ് ഗനാഷെ ഇതിലേക്ക് ഒഴിച്ച് ഇളക്കിയെടുക്കാം. ഇനി ½ കപ്പ് വിപ്പിങ് ക്രീം അടച്ചു വച്ചതിലേക്ക് ഇതൊഴിച്ച് പതുക്കെ ഇളക്കി യോജിപ്പിച്ചെടുക്കാം.
ഇത് സെർവിങ് ഗ്ലാസ്സിലേക്കൊഴിച്ച് ആപ്പിൾ കഷ്ണങ്ങൾ വച്ച് അലങ്കരിച്ച് തണുപ്പിച്ചോ അല്ലാതെയോ കഴിക്കാം.
Content Summary : How to make Apple Chocolate Mousse.