അരിപ്പൊടി കൊണ്ട് എളുപ്പത്തിൽ ഒരു ബ്രേക്ക്ഫാസ്റ്റ്
Mail This Article
×
അരിപ്പൊടിയുണ്ടോ 10 മിനിറ്റിൽ ഒരു കിടു ബ്രേക്ക്ഫാസ്റ്റ് ഐറ്റം തയാറാക്കാം.
ചേരുവകൾ
- വറുത്ത അരിപൊടി (ഇടിയപ്പം/ പത്തിരി പൊടി ) - 1 കപ്പ്
- വെള്ളം - ഒന്നേകാൽ കപ്പ്
- വെളിച്ചെണ്ണ - 4 ടീസ്പൂൺ
- തേങ്ങ - 1/2 കപ്പ്
- പച്ചമുളക് - 2 എണ്ണം
- ചുവന്നുള്ളി - 10 എണ്ണം
- ജീരകം - 1/2 ടീസ്പൂൺ
- ഉപ്പ് - ആവശ്യത്തിന്
തയാറാക്കുന്ന വിധം
- ഒരു പാത്രത്തിൽ വെള്ളം തിളപ്പിക്കുക. അതിലേക്കു ഉപ്പും 2 ടീസ്പൂൺ എണ്ണയും ഒഴിച്ച് കൊടുക്കുക. വെള്ളം തിളച്ചു വരുമ്പോൾ അരിപ്പൊടി മെല്ലെ ഇട്ടു കൊടുത്തു, കട്ട കൂടാതെ യോജിപ്പിക്കുക. തീ കെടുത്തിയ ശേഷം അടച്ച് ഒരു മിനിറ്റു വയ്ക്കുക.
- തേങ്ങയും ഉള്ളിയും പച്ചമുളകും ജീരകവും ചതച്ചെടുക്കുക. അരിപ്പൊടിയുടെ മിക്സിലേക്കു ഇതും 1 ടീസ്പൂൺ എണ്ണയും ചേർത്തു നന്നായി കുഴച്ചെടുക്കുക. ഉരുളകളാക്കി എടുത്തു കൈയിൽ കുറച്ചു എണ്ണ പുരട്ടി പരത്തി എടുക്കുക. അല്ലെങ്കിൽ ഒരു വാഴയിലയിൽ എണ്ണ പുരട്ടി ഈ ഉരുള അതിൽ വച്ചു കൈകൊണ്ട് പരത്തുക.
- പാൻ ചൂടാക്കി ചപ്പാത്തി ചുട്ടെടുക്കുന്ന പോലെ ചുട്ടെടുക്കുക.
- എരിവുള്ള കറികൾക്കൊപ്പം അല്ലെങ്കിൽ ചട്ണി കൂട്ടി കഴിക്കാം.
Content Summary : Easy breakfast recipe by Prabha
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.