കൊറിക്കാൻ അരിപ്പൊടി മുറുക്ക്, ടീ ടൈം ഗംഭീരമാക്കാം

അരിപ്പൊടി കൊണ്ട് എളുപ്പത്തിലൊരുക്കാം കിടിലൻ പലഹാരം, നാലുമണി കാപ്പിക്കൊപ്പം കൊറിക്കാം.

ചേരുവകൾ

• ഇടിയപ്പപ്പൊടി - 1 കപ്പ്‌
• വെള്ളം - 1 കപ്പ്‌
• മുളകുപൊടി - 2 ടീസ്പൂൺ
• കായപ്പൊടി - 1/2 ടീസ്പൂൺ
• ജീരകം - 1 ടീസ്പൂൺ
• എള്ള് - 1 ടീസ്പൂൺ
• എണ്ണ - 3 ടീസ്പൂൺ
• ഉപ്പ് - ആവശ്യത്തിന്

തയാറാക്കുന്ന വിധം

ഒരു ചീനച്ചട്ടിയിൽ വെള്ളം ഒഴിച്ചു അതിലേക്കു 1 ടീസ്പൂൺ എണ്ണയും ഉപ്പും മുളകുപൊടിയും കായപ്പൊടിയും ഇട്ടു തിളപ്പിക്കുക. തിളച്ചു വരുമ്പോൾ ഇടിയപ്പ പൊടി ഇട്ടു കട്ട കൂടാതെ ഇളക്കി യോജിപ്പിക്കുക. 1 ടീസ്പൂൺ  എണ്ണ കൂടി ചേർത്തു യോജിപ്പിച്ച് 2 മിനിറ്റ് അടച്ചു വയ്ക്കുക. നന്നായി കുഴച്ചെടുത്തു കൈ കൊണ്ടു ചെറിയ വളയങ്ങളാക്കി എടുത്തു ചൂടായ എണ്ണയിൽ വറുത്തു കോരുക. സൂപ്പർ റിങ് മുറുക്ക് റെഡി

Content Summary : Snack in 10 minutes recipe by Prabha.