ചായയ്ക്കൊപ്പം നല്ല എരിവും രുചിയുമുള്ള കാരയപ്പം

ചായയ്ക്കൊപ്പം കഴിക്കാൻ പറ്റിയ ഒരു നാടൻ പലഹാരം.

ചേരുവകൾ

• പച്ചരി - 1 കപ്പ്‌
• തുവര പരിപ്പ് - 1/3കപ്പ്‌
• ഉഴുന്ന് പരിപ്പ് -1/4 കപ്പ്‌ 
• ചുവന്ന മുളക് - 5 എണ്ണം
• കുരുമുളക് - 1 ടീസ്പൂൺ
• ജീരകം -1 ടീസ്പൂൺ
• ഉപ്പ് - ആവശ്യത്തിന്

വറുത്തിടാൻ

• എണ്ണ - 3 ടീസ്പൂൺ
• കടുക് - 1/2 ടീസ്പൂൺ
• ഇഞ്ചി - 2 ടീസ്പൂൺ
• ചെറിയ ഉള്ളി - 1/2 കപ്പ്‌
• പച്ചമുളക് - 2 എണ്ണം
• തേങ്ങ - 1/2 കപ്പ്‌ 
• കറിവേപ്പില

തയാറാക്കുന്ന വിധം

• പച്ചരിയും പരിപ്പുകളും ജീരകം ഒഴികെ മറ്റു ചേരുവകളും 2 മണിക്കൂർ കുതിർക്കാൻ വയ്ക്കുക.
• 2 മണിക്കൂറിനു ശേഷം ജീരകവും ചേർത്തു തരുത്തരുപ്പായി അരച്ചെടുക്കുക.
• ഒരു ഫ്രൈയിങ് പാനിൽ എണ്ണയൊഴിച്ചു  കടുകു പൊട്ടിച്ചു  മറ്റു ചേരുവകളും കൂടി വഴറ്റി എടുക്കുക. 
• ഈ വഴറ്റിയതിനെ മാവിലേക്കു ചേർത്തു കൊടുക്കുക.
• ഇഡ്ഡലി മാവിന്റെ പരുവത്തിൽ ആയിരിക്കണം മാവ്.
• ചൂടായ എണ്ണയിൽ തവിയിൽ മാവെടുത്തു എണ്ണയിലേക്ക് ഒഴിച്ചു കൊടുക്കുക. മിതമായ ചൂടിൽ വറുത്തെടുക്കാം.

Content Summary : Karayappam, healthy snack recipe by Prabha.