മുളപ്പിച്ച പയർ പുലാവ്, പ്രോട്ടീൻ സമ്പുഷ്ടമായ ഉച്ച ഭക്ഷണം

HIGHLIGHTS
  • വളരെ സ്വാദോടെ തയാറാക്കാവുന്ന പുലാവ് രുചി
Payar-Pulav-photo
SHARE

വളരെ സ്വാദോടെ തയാറാക്കാവുന്ന പുലാവ് രുചി.

ചേരുവകൾ

  • മുളപ്പിച്ച പയർ - അര കപ്പ്
  • ബിരിയാണി അരി - 350 ഗ്രാം
  • കാരറ്റ് - 2 എണ്ണം മുറിച്ചത് 
  • ബീൻസ് - 3 / 4 ബൗൾ അരിഞ്ഞത് 
  • ഇഞ്ചി - വെളുത്തുള്ളി പേസ്റ്റ് - 2 ടീ സ്പൂൺ
  • കറുവപ്പട്ട - 1 എണ്ണം
  • ജീരകം - 1 / 2 ടീ സ്പൂൺ
  • ഏലക്കായ - 2 എണ്ണം വലുത് 
  • തക്കോലം (Star Anice) - 2 എണ്ണം
  • സവാള - 1 എണ്ണം
  • ഉപ്പ് - 1 ടീ സ്പൂൺ
  • ഗ്രാമ്പൂ - 8 എണ്ണം
  • വെളിച്ചെണ്ണ - ആവശ്യത്തിന്

തയാറാക്കുന്ന വിധം:

ഒരു ദിവസം മുൻപ് അര കപ്പ് ചെറുപയർ 5 - 6 മണിക്കൂർ വെള്ളത്തിലിട്ട് പിന്നീട് വെള്ളം ഊറ്റി ഉണക്കി മുളപ്പിച്ചു എടുക്കുക. 

തൊലി കളഞ്ഞ ഏലക്കായും ഗ്രാമ്പൂവും കറുവപ്പട്ടയും സ്റ്റാറും ജീരകവും മിക്സിയിൽ പൊടിച്ചെടുക്കുക. 

ഇനി ഒരു ഫ്രൈ പാനിൽ വെളിച്ചെണ്ണ ചൂടാക്കി സവാള വഴറ്റുക. അതിലേക്കു പൊടിച്ചു വച്ച മസാലക്കൂട്ടും ഇഞ്ചി-വെളുത്തുള്ളി പേസ്റ്റും ചേർത്ത് ഇളക്കുക. വെളുത്തുള്ളി പേസ്റ്റിന്റെ പച്ച മണം പോവുന്നതു വരെ വഴറ്റാം. ഇതിലേക്കു കാരറ്റ് ഇട്ടു കുറച്ചു നേരം വഴറ്റുക. ഇനി ബീൻസും മുളപ്പിച്ച പയറും ചേർത്ത് ഇളക്കാം. ഇത് 3 - 4 മിനിറ്റ് അടച്ചു വച്ചു വേവിക്കാം.

ഈ സമയം കൊണ്ട് പുലാവിനായുള്ള ചെറിയ കൈമ അരി കഴുകിയെടുക്കാം. അരി വെള്ളം കളഞ്ഞു മേൽ പറഞ്ഞ ഫ്രൈ പാനിലേക്കു ചേർത്ത് ഇളക്കാം. ആദ്യം ഈ അരി വെള്ളം ചേർക്കാതെ ഒന്ന് വഴറ്റാം. 

വേറെ ഒരു പാത്രത്തിൽ ഒരു ഗ്ലാസ് അരിക്ക് രണ്ടു ഗ്ലാസ് വെള്ളം എന്ന അനുപാതത്തിൽ വെള്ളം ചൂടാക്കാം. ഈ ചൂടാക്കിയ വെള്ളം ഒരു പാനിലേക്ക് ഒഴിക്കുക. ഇതിലേക്ക് ഉപ്പ് ചേർത്ത് ഇളക്കാം. ഇനി ചെറിയ തീയിൽ അടച്ചു വച്ച് 8 മിനിറ്റ് വേവിക്കാം. പുലാവ് റെഡി.

മുളപ്പിച്ച പയർ പുലാവിന്റെ സ്വാദ് കൂട്ടാൻ ഉള്ളി - തക്കാളി സാലഡ് കൂടിയായാൽ ഗംഭീരമാവും.

Content Summary : Sprouted beans pulao recipe by Dhanya.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഇന്നസെന്റ് ചെയ്യുന്നില്ലെന്ന് പറഞ്ഞ 'ലാസർ ഇളയപ്പൻ' | Friends Malayalam | Siddique Jayaram | Meena

MORE VIDEOS