കപ്പ പൊടിച്ചത്, നല്ല നാടൻ പലഹാരം മിക്സി ഉപയോഗിച്ചും തയാറാക്കാം

HIGHLIGHTS
  • ഒരു പഴയകാല നാടൻ മധുര പലഹാരമാണ് കപ്പ പൊടിച്ചത്
kappa-podi
SHARE

ഒരു പഴയകാല നാടൻ മധുര പലഹാരമാണ് കപ്പ പൊടിച്ചത്. വറുത്ത കപ്പ ഉരലിൽ ഇട്ട് തേങ്ങ ചേർത്ത് ഇടിച്ചാണ് ഈ പലഹാരം തയാറാക്കിയിരുന്നത്. അധികം ജോലികൾ ഒന്നുമില്ലാതെ എളുപ്പത്തിൽ മിക്സി ഉപയോഗിച്ചും രുചികരമായ ഈ പലഹാരം തയാറാക്കാം.

ചേരുവകൾ

  • കപ്പ - ഒരു കിലോഗ്രാം
  • തേങ്ങ ചിരകിയത് - ഒരു കപ്പ്
  • ഏലക്ക - 4 എണ്ണം
  • ഉപ്പ് - ഒരു നുള്ള്
  • പഞ്ചസാര - കാൽ കപ്പ്
  • എണ്ണ - വറുക്കാൻ ആവശ്യത്തിന്

തയാറാക്കുന്ന വിധം

  • കപ്പ തൊലി കളഞ്ഞു കഴുകി വൃത്തിയാക്കി കനം കുറച്ച് അരിഞ്ഞെടുക്കുക.
  • ഒരു ചീനച്ചട്ടിയിൽ വെളിച്ചെണ്ണ ചൂടാക്കി കപ്പ വറുത്ത് എടുക്കുക. വറുത്തു കോരുന്നതിനു മുൻപായി അല്പം ഉപ്പ് വെള്ളത്തിൽ കലക്കി ചേർക്കുക.
  • നല്ല ക്രിസ്പി ആവുമ്പോൾ കോരി മാറ്റാം.
  • ചൂടാറിയ കപ്പയിൽ ഏലക്ക കൂടി ചേർത്ത് മിക്സിയിലിട്ട് തരിതരിയായി പൊടിച്ചെടുക്കുക.
  • ഒരു കപ്പ് കപ്പ പൊടിച്ചതിലേക്ക് ഒരു കപ്പ് തേങ്ങ ചിരകിയത് കൂടി ചേർത്ത് വീണ്ടും മിക്സിയിലിട്ട് ഒന്ന് കറക്കി എടുക്കുക.
  • ഒരു പാത്രത്തിലേക്ക് മാറ്റിയതിനുശേഷം ആവശ്യത്തിന് പഞ്ചസാരയോ ശർക്കരപ്പാനിയോ ചേർത്ത് യോജിപ്പിക്കുക.
  • രുചികരമായ മധുര പലഹാരം തയാർ.

Content Summary : Avalose Podi with tapioca recipe by Ganga.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

എല്ലാവർക്കും ഇഷ്ടപ്പെടും രുചിയിൽ ചില്ലി മഷ്റും

MORE VIDEOS