അഞ്ചു മിനിറ്റുകൊണ്ട് ഒരു നാലുമണി പലഹാരം

ദോശമാവു കൊണ്ട് നല്ല രുചിയുള്ളൊരു പലഹാരം തയാറാക്കുന്നത് എങ്ങനെയെന്നു നോക്കാം.

ചേരുവകൾ

• ദോശമാവ് - രണ്ടര കപ്പ്
• സവാള - വലുത് ഒരെണ്ണം
• പച്ചമുളക് - മൂന്നെണ്ണം
• ഇഞ്ചി - ഒരു ചെറിയ കഷ്ണം
• കറിവേപ്പില - ആവശ്യത്തിന്
• ഉപ്പ് -  ആവശ്യത്തിന്
• വെളിച്ചെണ്ണ - വറുക്കാൻ ആവശ്യത്തിന്

തയാറാക്കുന്ന വിധം

• ഒരു ബൗളിലേക്കു സവാള, ഇഞ്ചി, പച്ചമുളക്, കറിവേപ്പില എന്നിവ ചെറുതായി മുറിച്ചത് ചേർത്തു കൊടുക്കാം. 
• ഇതിലേക്ക് ആവശ്യത്തിന് ഉപ്പും ചേർത്തു നന്നായി യോജിപ്പിക്കാം. 
• ഇതിലേക്ക് ദോശമാവുകൂടി ചേർത്തു യോജിപ്പിച്ചു വയ്ക്കുക. 
• ഒരു ഉണ്ണിയപ്പം ചട്ടിയിൽ വെളിച്ചെണ്ണ ഒഴിച്ച് ചൂടാകുമ്പോൾ നേരത്തെ തയാറാക്കിയ മാവിൽ നിന്നും ഓരോ ടേബിൾസ്പൂൺ മാവു വീതം ഒഴിച്ച് കൊടുക്കാം.
• ഒരു വശം മൊരിഞ്ഞു വന്നാൽ ഒന്ന് തിരിച്ചിട്ടു കൊടുക്കാം. 
• രണ്ടു വശവും മൊരിഞ്ഞു വന്നാൽ കുഴി പണിയാരം റെഡി. 

Content Summary : Paniyaram is an Indian dish made by steaming batter using a mould.