ചൗ ചൗ കൊണ്ടൊരു തോരൻ, ചോറിനും ചപ്പാത്തിക്കും കൂട്ടാം
Mail This Article
×
ചോറിനൊപ്പം മാത്രമല്ല ചപ്പാത്തിക്കു കറിയായി കഴിക്കാം.
ചേരുവകൾ
- ചൗ ചൗ ഗ്രേറ്റ് ചെയ്തത് - 2 കപ്പ്
- ഉള്ളി - 1/2 കപ്പ്
- കടുക് - 1/2 ടീസ്പൂൺ
- ചുവന്ന മുളക് - 3എണ്ണം
- ഉഴുന്നു പരിപ്പ് - 1 ടീസ്പൂൺ
- എണ്ണ - 4 ടീസ്പൂൺ
- മഞ്ഞൾപ്പൊടി - 1/4 ടീസ്പൂൺ
- കാശ്മീരി മുളകുപൊടി - 3/4 ടീസ്പൂൺ
- കടല പരിപ്പ് - 1 ടേബിൾ സ്പൂൺ
- തേങ്ങ - 2 ടേബിൾ സ്പൂൺ
- ഉപ്പ് - ആവശ്യത്തിന്
- കറിവേപ്പില
തയാറാക്കുന്ന വിധം
- ചൗ ചൗ തൊലി കളഞ്ഞ ശേഷം ഗ്രേറ്റ് ചെയ്തെടുത്തു പിഴിഞ്ഞെടുക്കുക. കൂടുതലുള്ള വെള്ളം കളയാനും തോരൻ ഉലർന്നിരിക്കാനുമാണ് ഇങ്ങനെ ചെയ്യുന്നത്.
- പാനിൽ എണ്ണയൊഴിച്ചു കടുക് പൊട്ടിക്കുക. ചുവന്നമുളകും കറിവേപ്പിലയും ഉഴുന്നു പരിപ്പും കൂടി ചേർത്തു വറക്കുക. ഉള്ളി ഇട്ടു മൂപ്പിക്കുക. അതിലേക്കു മഞ്ഞൾപ്പൊടിയും മുളകുപൊടിയും ചേർത്തിളക്കുക. ചൗ ചൗ കൂടി ചേർത്ത് ആവശ്യത്തിന് ഉപ്പും ചേർത്തിളക്കി വേവിക്കുക.
- ഒരു ഫ്രൈയിങ് പാനിൽ കുറച്ചു എണ്ണയൊഴിച്ചു ചുവന്ന മുളക് വറുത്തെടുക്കുക. അതിലേക്കു കടലപരിപ്പും കറി വേപ്പിലയും കൂടി ചേർത്തു വറുത്തെടുക്കുക.
- മിക്സിയുടെ ബ്ലെൻഡറിൽ തേങ്ങയും വറുത്തെടുത്ത മിക്സും ചേർത്തു ചതച്ചെടുക്കുക. വെന്തു വന്ന ചൗ ചൗവിലേക്കു ഇത് ചേർത്തു കൊടുക്കാം.
- രണ്ടു മിനിറ്റിനു ശേഷം തീ കെടുത്തുക.
- ചൗ ചൗ തോരൻ റെഡി.
Content Summary : Chow Chow Thoran Recipe by Prabha
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.