തണുപ്പു കാലത്തും നല്ല പഞ്ഞിപോലുള്ള അപ്പം തയാറാക്കാൻ വഴിയുണ്ട്
Mail This Article
നല്ല മൃദുവായ അപ്പം ഉണ്ടാക്കാൻ തണുപ്പു കാലത്ത് ഇങ്ങനെ ചെയ്തു നോക്കൂ, മാവ് നന്നായി പൊങ്ങി വരും. പ്രഭാത ഭക്ഷണത്തിനു കുട്ടികൾക്കും മുതിർന്നവർക്കും ഒരു പോലെ ഇഷ്ടപ്പെടുന്ന വിഭവമാണിത്.
ചേരുവകൾ
- പച്ചരി - 2 ഗ്ലാസ്
- നാളികേരം - 1 ഗ്ലാസ്
- ചോറ് - 3/4 ഗ്ലാസ്
- തേങ്ങാവെള്ളം - 1
- പഞ്ചസാര - 2 1/2 ടേബിൾ സ്പൂൺ
- ഉപ്പ് - ആവശ്യത്തിന്
തയാറാക്കുന്ന വിധം
പച്ചരി നന്നായി കഴുകി 3 മണിക്കൂർ കുതിർത്തു വയ്ക്കുക. അതിനുശേഷം മുകളിൽ പറഞ്ഞ ചേരുവകൾ എല്ലാം കൂടി കുറച്ച് വെള്ളം കൂട്ടി ചെറിയ കട്ടിയിൽ നല്ല മിനുസമായ് അരച്ചെടുക്കുക. അതിനുശേഷം ഒരു പാത്രത്തിലേക്കു മാറ്റി 5 മിനിറ്റു തുറന്നു വയ്ക്കുക. ശേഷം അടച്ചു വയ്ക്കുക. നല്ല തണുപ്പുള്ള കാലാവസ്ഥയാണെങ്കിൽ മാവ് പൊങ്ങാൻ ഒരു പാത്രത്തിൽ ഇളം ചൂട് വെള്ളത്തിൽ (കൈ കൊണ്ടു തൊടുന്ന പാകത്തിൽ ) മാവ് വച്ച പാത്രം ഇറക്കി അടച്ച്, ഒരു 8 മണിക്കൂർ എങ്കിലും വയ്ക്കുക. ചൂടുള്ള സമയത്താണെങ്കിൽ ഇങ്ങനെ ചെയ്യേണ്ട ആവശ്യം ഇല്ല. ശേഷം അപ്പം ചുട്ടെടുക്കാം.
Content Summary : Soft appam recipe for breakfast