മോരു കുറുക്കിയത്, നാടൻ രുചിയിൽ
Mail This Article
×
ചോറിനു ഒഴിച്ചു കൂട്ടാൻ ഒന്നാന്തരം രുചിയിൽ ഒരു നാടൻ മോരു കുറുക്കിയതു തയാറാക്കുന്നത് എങ്ങനെയെന്നു നോക്കാം. മോരു കറിയെക്കാൾ കട്ടി കുറവുള്ളൊരു കറിയാണിത്. വളരെ എളുപ്പത്തിൽ തയാറാക്കാം. ഈ മോരു കറിയും അച്ചാറും ഒരു മീൻ വറുത്തതും ഉണ്ടെങ്കിൽ ഊണ് കുശാലായി.
ചേരുവകൾ
- തൈര് - 1 കപ്പ്
- തക്കാളി - 1/2 ഇടത്തരം വലുപ്പമുള്ള തക്കാളി
- ഇഞ്ചി - 1/2 ഇഞ്ച്
- പച്ചമുളക് - ഒന്നോ അതിലധികമോ
- കറിവേപ്പില
- വെള്ളം - 1 1/4 കപ്പ്
- മഞ്ഞൾപ്പൊടി - 1/4 ടീസ്പൂൺ
- ഉപ്പ്
തയാറാക്കുന്ന വിധം
- തൈരും വെള്ളവും അടിച്ചെടുക്കുക.
- തക്കാളി അരിഞ്ഞെടുക്കുക, ഇഞ്ചി ചതയ്ക്കുക അല്ലെങ്കിൽ അരിഞ്ഞെടുക്കുക.
- ഇത് ഒരു ഫ്രൈയിങ് പാനിൽ ചേർത്തു കൈകൊണ്ടു നന്നായി ഉടച്ചു കൊടുക്കുക.
- പച്ചമുളക്, കറിവേപ്പില, മോര്, മഞ്ഞൾപ്പൊടി എന്നിവ ചേർക്കുക.
- നന്നായി ഇളക്കി പതുക്കെ ഇടത്തരം തീയിൽ 10 മിനിറ്റു നേരം വേവിക്കുക. തീ അണയ്ക്കുക
- തീ ഓഫ് ചെയ്ത് സാധാരണ താപനിലയിലേക്ക് വരുന്നതുവരെ ഇളക്കുക. ഉപ്പ് ചേർക്കുക. എളുപ്പത്തിൽ മോരു കുറുക്കിയത് തയാറാക്കാം.
Content Summary : Moru kurukkiyath recipe by Nishisha.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.