നാരങ്ങാവെള്ളം പിഴിഞ്ഞു മിച്ചം വരുന്ന തൊലി ചേർത്തൊരു അച്ചാർ, പെട്ടെന്നു കേടാകില്ല
![lemon-pickle lemon-pickle](https://img-mm.manoramaonline.com/content/dam/mm/mo/pachakam/readers-recipe/images/2023/2/19/lemon-pickle.jpg?w=1120&h=583)
Mail This Article
×
നാരങ്ങാ പിഴിഞ്ഞ ശേഷം വരുന്ന തൊലി ഉപയോഗിച്ചു ടേസ്റ്റി അച്ചാർ തയാറാക്കാം. നാരങ്ങാവെള്ളം തയാറാക്കിയിട്ടും മിച്ചം വരുന്ന തൊലി കഷ്ണങ്ങൾ സിപ് ലോക്ക് ബാഗിലാക്കി ഫ്രീസറിൽ സൂക്ഷിച്ചു വച്ച് ആവശ്യത്തിനു അളവിലെത്തുമ്പോൾ അച്ചാർ തായാറാക്കാം.
ചേരുവകൾ
- നാരങ്ങ തൊലി - 15-20 നാരങ്ങ 4 - 8 കഷണങ്ങളായി അരിഞ്ഞത്
- എള്ളെണ്ണ - 3 ടേബിൾ സ്പൂൺ + 2 ടേബിൾ സ്പൂൺ
- കശ്മീരി മുളകുപൊടി - 3 ടേബിൾ സ്പൂൺ
- വറുത്ത ഉലുവാപ്പൊടി - 1 ടീസ്പൂൺ
- കായം - 1 ടീസ്പൂൺ (ഹിംഗ് പൗഡർ)
- ഉപ്പ്
- വിനാഗിരി - 1/4 കപ്പ്
തയാറാക്കുന്ന വിധം
- ഒരു പാത്രത്തിൽ മുളകുപൊടി, മഞ്ഞൾപ്പൊടി, വറുത്ത ഉലുവാപ്പൊടി, കായം എന്നിവ ചേർത്തു നന്നായി യോജിപ്പിക്കുക.
- കട്ടിയുള്ള ഫ്രൈയിങ് പാൻ ചൂടാക്കുക, എള്ളെണ്ണ ചേർക്കുക.
- ഇടത്തരം ചൂടുള്ള എണ്ണയിലേക്കു നാരങ്ങാ തൊലി ചേർത്ത് ഇടത്തരം ചൂടിൽ 5 മിനിറ്റ് വഴറ്റുക.
- വീണ്ടും 3 മിനിറ്റ് ഉയർന്ന തീയിൽ വഴറ്റുക.
- ഉപ്പു ചേർത്തു നന്നായി ഇളക്കുക.
- തീ കെടുത്തി യോജിപ്പിച്ചു വച്ച മസാല ചേർക്കുക. വിനാഗിരി ചേർത്ത് നന്നായി യോജിപ്പിക്കുക. തണുത്ത ശേഷം വൃത്തിയുള്ളതും ഉണങ്ങിയതുമായ ഒരു ജാറിലേക്കു മാറ്റുക.
- ഒരു ഫ്രൈയിങ് പാൻ ചൂടാക്കി 2 ടേബിൾ സ്പൂൺ എള്ളെണ്ണ ചേർക്കുക. എണ്ണ ചൂടാക്കുക. അച്ചാറിലേക്കു ചൂടുള്ള എണ്ണ ചേർക്കുക. തണുക്കാൻ അനുവദിക്കുക. അടച്ച് 10-15 ദിവസം വയ്ക്കുക. കശ്മീരി മുളകുപൊടിക്ക് പകരം സാധാരണ മുളകുപൊടിയും ചേർക്കാം.
Content Summary : Lemon peel pickle recipe by Nidhisha
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.