റാഗിപ്പൊടിയും റോബസ്റ്റ പഴവും ചേർത്തൊരു ടേസ്റ്റി ജൂസ്

ഇത്രയും ഹെൽത്തിയും ടേസ്റ്റിയുമായ ഒരു ജൂസ് കുടിച്ചിട്ടുണ്ടോ ഉറപ്പായും ട്രൈ ചെയ്യേണ്ട ഒരു കിടിലൻ ജൂസ് റെസിപ്പി ഇതാ. 

ചേരുവകൾ 

• റാഗിപ്പൊടി - 2 ടേബിൾസ്പൂൺ
• പാൽ - 1 കപ്പ്
• റോബസ്റ്റ പഴം - 1
• നട്സ് 
• ഈന്തപ്പഴം - 2
• ഏലക്ക - 2
• പഞ്ചസാര - 2 ടേബിൾസ്പൂൺ
• വെള്ളം - 3/4 കപ്പ്

തയാറാക്കുന്ന വിധം 

• റാഗിപ്പൊടി കുറച്ചു വെള്ളം ചേർത്തു നന്നായി യോജിപ്പിക്കുക. 
• ഒരു സോസ്പാനിൽ വെള്ളം ഒഴിച്ചു റാഗി ചേർത്തു നന്നായി വേവിച്ചെടുക്കുക. 
• ഇത് തണുത്തതിനു ശേഷം മിക്സിയുടെ ജാറിലേക്ക് ഒഴിക്കാം. ഇതിനൊപ്പം പഴം അരിഞ്ഞത്, ഇഷ്ടമുള്ള നട്സ്, ഈന്തപ്പഴം, പഞ്ചസാര, ഏലക്ക, തണുപ്പിച്ച പാൽ എന്നിവ ചേർത്തു നന്നായി അടിച്ചെടുക്കുക. തണുപ്പോടെ സെർവിങ് ഗ്ലാസ്സിലേക്ക് ഒഴിച്ച്  നട്സ് വച്ച് അലങ്കരിച്ചു വിളമ്പാം.

Content Summary : Ragi drink, Healthy and refreshing summer drink.