രസികൻ രുചിയിൽ പാൽ പൊറോട്ട, ചൂടോടെ കഴിക്കാം

തട്ടുകടയിൽ കിട്ടുന്നതിലും സൂപ്പർ രുചിയിൽ വീട്ടിലൊരുക്കാം പാൽ പൊറോട്ട.

ചേരുവകൾ

• മൈദ - 2 കപ്പ്
• ബേക്കിങ് സോഡ - 1/4 ടീ സ്പൂൺ
• തൈര് - 2 ടേബിൾ സ്പൂൺ 
• ചെറിയ ചൂടുള്ള പാൽ - മാവു കുഴക്കാൻ
• ഉപ്പ് – 1/4 ടീ സ്പൂൺ

തയാറാക്കുന്ന വിധം 

• മാവ് സോഡാപ്പൊടിയും ഉപ്പും ചേർത്തു യോജിപ്പിക്കുക. ഇതിൽ തൈരും പാലും ചേർത്തു കുഴച്ചു മാവു സോഫ്റ്റ് ആകുന്നതുവരെ  അടച്ചു വയ്ക്കുക.
• പിന്നീട് ബോൾ ആക്കി അതിൽ എണ്ണ പുരട്ടി അരമണിക്കൂർ  അടച്ചു വയ്ക്കുക. 
• പിന്നീടു കൈകൊണ്ടു പരത്തിയോ,വീശിയെടുത്തോ നേർമയാക്കി അതിൽ എണ്ണ തൂത്തു പ്ലീറ്റ് ആക്കി ചുരുട്ടി 15 മിനിറ്റ് മാറ്റി അടച്ചു വയ്ക്കുക.
• പെറോട്ട വട്ടത്തിൽ പരത്തി ചൂടാക്കിയ ഫ്രൈയിങ് പാനിൽ രണ്ടുവശത്തും എണ്ണ തൂത്തു മൊരിച്ചെടുത്തു, കൈകൊണ്ടു രണ്ടുവശവും അടിച്ചെടുത്തു ചൂടോടെ കഴിക്കാം.

Content Summary : Milk parotta, soft parotta without egg.